Rev. N C Thawng Tha Thang hi 2021 Chin Person for the Year ah thim awktlaak bak a si ka ti.

CHIN PERSON FOR THE YEAR 2021
++++++++++++++++++++++++++

Rev. N C Thawng Tha Thang hi 2021 Chin Person for the Year ah thim awktlaak bak a si ka ti.
Aa tlaaknaak ka hmuh ning a ruang-
1. Thim tu committee nih taarlangh
ding le zulh ding an timi a tlinh.
2. Thimtu committee nih an
rianttuan ning sining le a dang
dang zoh chih a si lai an ti ca ah
a tanglei ka langh ter ning hin
amah hi aatlaak cem ko.
3. July 2019 in atutiang an
riantuannak zohin thim asi lai
an ti caah hi chung ah hin cun
Rev. N C Thawng Tha Thang hi
Chin mipi chung in Chin mipi ca
ah rian a ttuan bikmi a si ko tiah
ka ruah.
Rev. N C Thawng Tha Thang nih 2019 July in a tu tiang chung ah a rian ttuannaak ka hngalhmi le ka hmuhmi-
(a) Chin Land FC ah President a
ttuan i MFF ah EC committee
tiang a ttuanmi a si ca ah Chin
miphun min a tthat tertu a si.
(b) Chin Land FC cu a har naak
phun zakip lak in a tutiang a dir
khawh peng ca ah Chin miphun
a ai awh peng khomi a si.
(c) Khrihfa bu lei a rianttuannaak
in Chin ramkulh le a dangdang
ah biak inn tampi a sak piak
khotu a si caah Chin miphun
cawisangtu bak a si.
(d) Ngaakttah le siifaakmi tampi
a bawmtu le sianginn a kai ter
khotu a si.
(e) 2020 kum lio in kan tonmi
Paletwa le Rakhine ram in kan
CHIN miphun ralzam hna a lam
kip in bawmh khawhnak caah
CHIN RESCUE TEAM tuahmi ah
General Secretary tṭuan in CHIN
miphun harsatnaak a tongmi inn
tampi le dawng tampi chanh
chuah in bawmhnak rian a
tṭuan pengtu a si.
(f) 2021 kum February thla ni
khat in aa thawk i atulio kan
ton cuahmah mi ral lei harnak,
tlikleeknaak, i dornaak le din ei
cawlcanghnaak phun zakip kha
kan CHINmi hna cungah a si
khawh chungin CHIN RESCUE
TEAM nih an bawmhnaak hna
ah khan a bik in amah nih
tawlrelnaak, khuakhannaak le
tlangtlaknaak a ngeihpi pengtu
hna a si.
(g)Atulio kan ral ngan bik a simi
COVID -19 zawtnak kan CHIN
ram chung i a luh hmasa
biknaak Tedim Sizungpi ah
Rangoon in Tedim Sizungpi ah
Motor he ṭanpinaak thilri petu
hmasa bikmi a si ca ah
Chinmi nunnaak a vengtu le
a khamhtu a si.
(h)Covid-19 3rd wave kan Chin
ram i aa thawk hmasa biknaak
Tonzaang peng Cikha khua
ah Oxygen concentrator,
Meiseh le a dangdang bawmh
naak he a zuanhnawh hmasa
cemtu kan CHIN miphun pa
ralṭha le ngeihchiah zong a
siang bakmi pa a si.
(i) Culawng si loin a herhning
bantukin Kan chinmi umnaak
Tahan, Falam, Thantlang hna
zongah Covid-19 runvennaak
caah a herhmi thil tampi a
bawmchantu le a hlutu a si.
Cu caah a thi dingmi Chin
miphun tampi a chanchuah
mi pasal ttha bak a si.
(j) Kan CHIN ram lawng si loin
kawlram chung khua dang
dang ah COVID-19 zawtnak in
mipi tampi an thih lawng si
loin kan PATHIAN rianṭuantu
hna minung 100 leng an thih
tikah a si khawh chungin kan
Kawlram pumpuluk chung ah
COVID-19 raldoh khawhnak
ding caah CHIN RESCUE
TEAM tuah khawh ding in
emergency meeting a
kan tuahpi i CHIN COVID-19
RESCUE TEAM tuah khawh
a si.
(k) CCRT tuah khawh rih hlan
zongah khan CHINLAND
CLUB (FOUNDATION) le CRT
hruainak in CHIN miphun
tampi thihnak in chanhchuah
an si hna. Cu ah cun a bik in
Rev. N C Thawng Tha Thang
hruainak in Chinland football
team in players hna kha
special volunteer ah hmangin
nihin ni tiang a cawlcangmi le
mi tampi nunnak a chanh
chuahtu an si. CCRT tuah hnu
zongah cun Rev. N C Thawng
Tha Thang ṭhiamṭhiam hi
hruaitu a si i, cu rianṭuannak
cun minung tampi an nunnak
an chanh khawh hna. An nun
nak chanh khawh loin mual
a kan liamtak mi hna, vuitu
ngei lo le Pastor te damlo
ruangah chambaumi hna
vuitu le fimtawlnak zong
faakpi in ṭuanvo a la ngammi
le aa pumpee ngammi CHIN
pa ralṭha taktak a si.
Rev. N C Thawng Tha Thang cu Kan CHIN miphun le CHIN ram caah cun a herhning bantukin ka nunnak pek hi ka sian ko tiah a chim lengmang mi
zong a si.
Cu caah CHIN miphun le ram a daw taktak mi le kaa lawng si lo in
mithmuh kut tongh in rian a ttuan taktak mi Rev. N C Thawng Tha Thang cu atu kum 2021 CHIN PERSON OF THE YEAR peek tlaak hrimhrim a si ka ti.

J. P. Biak Tin Sang.

Be the first to comment

Leave a Reply

Your email address will not be published.


*