SAC Chairman Min Aung Hlaing tel in lutlai 5 hna cu American Nih Dantat Nak A Pek Hna

SAC Chairman Min Aung Hlaing tel in lutlai 5, Minister 9 le SAC chungtel fale 3 American nih phihkhar in dantat Cu hna cu; Chairman Min Aung Hlaing, Mahn Nyein Maung, Thein Nyunt, Khin Maung Swe, Sai Lone Sai, hna si hna seh,….

Minister Ko Ko Hlaing, Minister Tun Aung Myint, Deputy Minister Tun Tun Naung, Central Bank Chairman Than Nyein, Minister Pwint San, Minister Win Shing, UEC Chairman Thein Soe, Minister Dr. Thet Thet Khine, le Minister Khin Maung Ri hna an si. Cu pin ah SAC chungtel Gen. Maung Maung Kyaw fale 2 le Gen. Tin Aung San fanu hna zong American nih dantat mi cazin ah a telh hna. #Khitthitmedia. The Hakha Times

thawngpang dang : Mindat ah Kum 10 Ngakchia Nute Meithal nih a Khen
———–
Nihin zinglei sml. 7:00 hrawng thawk in SAC ralhrang nih Mindat khuachung ah an duh paoh in mortar bomb le meithal in inn pawl an kah i, innchung ah aa dupmi kum 10 ngakchia nute cu ahnulei liang pawng ah meithal kuan nih a khen.

“Sii-ai thlopbultu sayamate zong an um lo. Minung aa chokmi paoh SAC ralhrang nih an kah hna caah khualeng chuah khawh zong a si lo. Hngakchia nute hi a hliam a fak i a zualhma ngai,” tiah HKL Mindat nih a ttial.

Mindat khuachung i inn pawl SAC ralhrang nih an bauh i an duh paoh in an um, thilri zong an fir hna, tiah a langhter chap. Chun-zaan in Mindat khuachung ah SAC ralhrang nih meithal an duh paoh in an puah caah khuachung ah aa hrengmi pawl lengchuak ngam loin le ttihphang in an um hna. The Chin Journal

Be the first to comment

Leave a Reply

Your email address will not be published.


*