SAC Ralhrang Loklung Ah An Lut Khua Mipi An Zaam Duh Ralkap Nih Inn Zong An Khangh Piak Hna

#BreakingNews: Loklung Khuami Ramlak ah an Zaam Dih Hna
———-
Nihin zinglei ah Hakha peng, Loklung khua ah SAC ralhrang pawl an rak phak caah Loklung khuami an zapi in ramlak ah an zaam dih hna, tiah thawng kan theih.Khuachung ah ngandamlo chungkhar pahnih lawng an taang i SAC ralhrang nih inn pakhat zong an khangh tiah pastor pakhat nih a chimh.

Loklung pastor pakhat nih, “Atu hi ramlak ah kan zaam dih hna. Khua ah cun a zaam kho lomi midamlo chungkhar pahnih lawng an taang. SAC ralhrang nih inn pakhat le motorcycle pakhat zong an khangh. Inn pakhat an bauh i innchung ah rawl an i chuan,” tiah The Chin Journal ah a a chim.

Nihin May 19 chuak SAC thawngzamhnak Myanmar Alin nih, “May 17 ah hriamtlai bu pakhat nih Lai meithal pawl in Hakha palik checkpoint an rak kah i Loklung khua lei ah an zaam hna,” tiah a ttial. Loklung hi Hakha he meng 12 a hlatnak ah a ummi a si i, milu 1,000 hrawng an umnak khua a si. The Chin Journal

thawngpang dang : Hakha Mipi Ralring Tein Um Uh : Khua Thar Ah Ralkap An Vak Thluah Mah Ko

BOC Hakha khuathar laansungah Uico pawl an i chawk i mikip an check len hna tiah Hakha Campaign For Justice nih thawng a thanh caah Hakha mipi vialte rilring tein rak um kal ulaw tiah himnak caah kan in nawl hna.

A si khawh le bang ahcun leng hrim rak chuak hlah ulaw a ttha ngaingai hnga. Uico pawl an hran chin lengmang caah a kenkip in kan rak i ralrin cio a herh ngaingai. Tlaihmi le hliamhma tuar mi hna kan um sual lai, leng ahcun rak chuak duh hlah uh. The Chin Light zong nih ti hin an rak langhter “Ralrin Peknak Tuzanlei 6:30 hrawng ah Hakhathar lei ah Meithal puah thawng theih a si.

Hakha Khuathar BOC kamh ah zanlei Suimilam 5:00 hrawng ah Cycle le Motor zong Ralkap Ralhrang nih Checknak an tuah. Motor Cycle le Phone tiang in an check hna.” Ti hin Hakha Campaign For Justice nih an tarlangh mi cu a si ve “Boc Hakha khuathar lansung ah Uico pawl tampi an um le ai chawk mi an check len hna. Um kal rak i ralring cio hna u sih.”

Be the first to comment

Leave a Reply

Your email address will not be published.


*