SAC Ralhrang nih Falam-Kalay kar ah Sattil le Thilri an Firpiak Hna

SAC Ralhrang nih Falam-Kalay kar ah Sattil le Thilri an Firpiak Hna
———-
Falam-Kalay karlak Tuphei khua ah SAC ralhrang 200 hrawng cu June 18-19 ah an riak i khuami hna i innzuat sattil Ar 7 le Compei 2 an firpiak hna. Cu lawng si loin an riahnak sianginn quarters inn pawl an bauh hna i mansung thilri pawl an fir hna.

Din-einak ca ah khuami sin in an hlanmi umkheng pawl zong pe tthan loin an i kalpi dih hna. Hi SAC ralhrang pawl hi nizaan Falam ah an riak i nihin ah motor 9 in Hakha lei ah an rak ra hna, tiah kan theih. The Chin Journal

thawngpang dang relchap : KNDF Nih Ralhrangbu He Kahdaihnak Ai Tuah Sual Cang Mipi An Duh Paoh In Porter An Phurhter

Karenni, Demoso peng ni chuahlei ah a ummi ralzaam umnak hmun le ralzaam ngandamnak a zohkhenhtu hna an umnak hmunah ralhrangbu 20 hrawng nih an umhmun an rak chuh hna caah ralzaam hna cu hmun dangah an zam hna tiah theih a si.

Ralzaam pakhat nih “tuzing June 19 ah khan a si. ralzaam hna ngandamnak lei a zohkhenhtu hna umnak hmunah an va kal i an sikhan ah umhmun an khuar. Ralzaam hna nih kan tih hna caah hmun dangah kan i thial. Ralhrangbu pawl nih an dinti zong an kan thaan ter, a phunphun an kan fial” tiah a chim.

Khuami pakhat nih “ralhrangbu hna hi ram ah an vak, ralzaam hna an hmuh hna ahcun an duhmi poh an fial hna. Meithal he an si caah an tih i an zaam. Siikhan ah umhmun an khuar caah ngandamnak lei a zohkhenhtu hna zong rian an tuan kho ti lo” tiah a ti.

Kan hnu June 15 ah khan Karen mipi ralkap (KNDF) le ralhrangbu karah kahdaihnak an tuah hnu June 17 thawkin ralhrangbu pawl Demoso lei ah biatak tein thazaang an i chap.Zeitindah an in chawnh cu kan theih lo. Tlangcung miphun dang hna zong nih kanmah lei hi kan ruat pah ve ulaw kan duh ngai tiin ralzaam pakhat nih thil si ning a chim.

KNDF le ralhrangbu kar ah chihkhat kahdaihnak an tuah nain ralhrangbu lei nih Demoso peng khua hna cu meithal ngan he an kah, khua chungah an luhhnawh hna pin ah khua luhchuah nak lam le mipi tlunkal nak cu an chek cuahmah ko tiah theih a si. Ref: Kantarawaddy times(TCP)

Be the first to comment

Leave a Reply

Your email address will not be published.


*