SAC Ralhrang Thlahmi Myanmar Bawlungchuih Thiam Pa nih SAC Ralhrang Duhlonak a Kut Zung Thum a Thlir Diam

SAC Ralhrang Thlahmi Myanmar Bawlungchuih Thiam Pa nih SAC Ralhrang Duhlonak a Kut Zung Thum a Thlir Diam
——————–
2022 World Cup luh khawh nakding kehneksak puai chuih ding in Japan ah a phanmi Myanmar bawlungchuih thiam pakhat nih SAC ralhrang uknak kan duh lo timi langhternak a kut zung thum a thlir diam. A kut dong ah “We Want Democracry” timi ca a ttial. The Chin Journal

thawngpang dang : May 26 tiang kahdohnak 100 leng a chuak, ralhrangbu lei 100 deng an thi tiah KNU Brigade 5 chimhnak nawlngei Lt. Col. Saw Kale Doe nih hi ti hin a chim. “An mah lei BGF hna he fonh in kanmah lei ah thazaang an rak i chap caah kan karah buainak zong a zual, i kahnak zong a fak chin lengmang, A dai cang ti hrim a um lo. May thla thawkin nihin tiang voi 193 kan i kap cang” tiah a ti.

Voi 100 leng i kahnak ah ralhrangbu 128 an thi, 180 hriamhma an pu, Mawtaw 9 kan hrawh, thil phorhnak ah an hman mi Raang 12 a thi. Kanmah lei pahnih an nunnak a liam ve, Minung pakua hma kan pu tiah Lt.Col. Saw Kale Doe nih a ti.

Ralhrangbu lei nih khuachung le Dum/lo ah meithal ngan lung 98 an kah, inn 5 an hrawh, Takawtha khua ah inndong 40 leng mei in an khangh i thilri le facang hna an lak piak hna tiah theih a si. KNU Brigade 5 ah a cawlcang mi ralhrangbu hna cu “MOC 5 tang LIB 405, 407, 408 le BGF battalion 1103, 1014, 1011, 1018 le 1019 hna an si. Atu ah LID 44 tang battalion pawl zong Bilin leiin an rak kai tiah kan theih, minung le tatyin pawl tu cu fiangin kan chim kho rih lo tiah KNU nih a chim.

May 24 le 25 ah zong BGF pawl he i kahnak a um than. BGF lei an hruaitu he minung 3 an thi, 11 hma an pu tiah theih a si. #KIC, Credit: TCP

Be the first to comment

Leave a Reply

Your email address will not be published.


*