SAC Ralkap kut in nunnak liam mi Khamh Bawi ruakhleng vuinak Thangzang ah tuah

SAC Ralkap kut in nunnak liam mi Khamh Bawi ruakhleng vuinak Thangzang ah tuah
—————————————————————————-
SAC Ralkap nih an tlaih i an hremnak ah a nunnak a liam mi Pu Khamh Bawi (Eden Khamh Bawi Lian) a ruak cu Ralkap nih chungkhar sin pe lo in an khangh ca ah Lai nunphung le Khrihfa phung in a ruakhleng (ruak kuang) lawng in vuinak le rolung dawnhnak cu May 17 ah a chuahkehnak Thangzang khua ah an tuah.

“Hi kan fapa Khamh Bawi hi a ruak tal cu kan sin phan kho sehlaw kan i lungsak khawh deuh ko hnga. Asinain vawlei cung Chin miphun vialte nih an hramh an dawtnak kan hmuh tik ah kan i lawm i kan tuar zia a rem deuh,” tiah Khamh Bawi i a pa u Pu Chawn Ceu nih Pu Khamh Bawi ruak cung in lunglawmhnak bia a chim. Pu Khamh Bawi philhlonak rolung dawnh cu, a chuahkehnak Thangzang in Sihhmuh lei lamkam ah a chungkhar nih an tuah. The Hakha Times

thawngpang dang : Nizan Kahdohnak ah Pu Van Biak Ling a Nunnak a Liam
————-
Nizan (May 16) zanlei ah Chuncung khua le Ramthlo khua karlak Dokthek khua pawng ah SAC ralhrang le CDF-Hakha kahdohnak a chuak i CDF-Hakha lei in minung pakhat a nunnak a liam, tiah thawng kan theih.

A nunnak a liammi hi Pu Van Biak Ling (kum 25) a si i, fa a ngei rih lomi patung no a si. Nihin zinglei sml. 7:00 hrawng ah nizaan an i kahnak hmun ah a ruak an vung lak. Nizan kahdohnak ah SAC ralhrang lei in a thimi le hliamhma a pumi zeizah an um timi fiang in theih a si rih lo.

မနေ့ညနေ ၆း၃၀ ခန့်တွင် ဟားခါးမြို့နယ်၊ ချွန်ကျုံးကျေးရွာနှင့် ရမ်ထလိုကျေးရွာအကြားတွင် CDF-Hakha ဟားခါးနှင့် စစ်ကောင်စီတပ်တိုက်ပွဲဖြစ်ပွားပြီး CDF-Hakha မှ ဦးဗန်ဗျက်လိန်း (၂၅နှစ်) ကျဆုံးသွားကြောင်းသိရသည်။ The Chin Journal

Be the first to comment

Leave a Reply

Your email address will not be published.


*