SAC ralkap le CDF-Mindat kahnak ah SAC ralkap pakhat a thi, Chemical Weapons an hman

SAC ralkap le CDF-Mindat kahnak ah SAC ralkap pakhat a thi, Chemical Weapons an hman
==============================
Nizaan May 23 Htinchaung khua kahnak ah SAC nih Chemical hriamnaam an hman, anmah SAC ralkap pakhat a thi i 3 an i hliam, tiah Mindat Mizapi Ukhruainak Thawngthanh Phu nih an thanh.
Chemical Weapons ruang ah CDF-Mindat pawl an lei a hit, an hnar lin, an mit mui, an lungmit, an luakchuak tiin an um. Hi hriamnaam hi Mindat-Matupi kar meng 40 hmun kahnak lio zong ah an rak hman. The Hakha Times

thawngpang dang : GOOD NEWS : Miss Thu Za Wint Lwin American model A Tuan Colh Cang Lai (Kawlram A Tlun Cun Thah A Tong Kho)

Miss Thuzar Wint Lwin cu American model a si cang lai tiah theih a si. Vanchiat lei vanthat kan ti lai maw kawlram buai ruangah a tlung kho rih lomi Miss Thuzar Wint Lwin cu American zongah a lar tuk i a minthang ngaingai.Agency ai ah cun an mah American model pakhat bantukin rian a tuan cang lai tiah theih a si.

American ram ah a minthang takmi le a lar takmi Agency pakhat We Are JEM model Agency ah cun Miss Universe model Thuzar Wint Lwin cu model riantuan dingin an sawm i tu hnu caan rau lo teah model rian a tuan cang lai tiah theih a si. Cu Agency le international Fashion Shaw ah cun Miss Thuzar Wint Lwin cu model pakhat bantukin kan hmuh colh cang lai tiah Myanmar Daily News ah cun an rak chim.

Miss Thuzar Wint Lwin cu 2020 December thla ah khan Miss Universe Myanmar zuamnak ah Chih state Hakha minin ai zuam i Miss Universe Myanmar a si i tutan world Miss Universe zuamnak zongah top 21 tiang phan in NC Winner a rak si than. Miss Thuzar cu kawlram aiawh in hi World Miss Universe zuamnak ah hin harsa bu tein le buainak tam ngai pah bu tein a kal i lampi ah ai hruk dingmi thil pawl zong a tlau dih tiah theih a si.

Harsatnak tampi tongin le buainak tampi tong buin a kal i Tutan NC thimnak kong zongah hin cawplehcilh in USA ah ummi laimi hna nih ai hruk dingmi thil cu an buai pi i amah hi 2020 ah Hakha aiawhin ai zuammi a si i amah hrim nih hin laithuam hruk a duhnak kong a chim i USA i a ummi laimi hna nih cun laithuam cu an hruk ter.

Pathian thluachuahnak thawngin laithuam cu a Winner pi i harsatnak tampi tong buin tuah cun Miss Thuzar Wint Lwin cu American model a si cang lai tiah thawngthanhnak an rak tuah.

Be the first to comment

Leave a Reply

Your email address will not be published.


*