Sagaing PDF nih CDM lem a cang mi Palek pakhat an tlaih

Sagaing PDF nih CDM lem a cang mi Palek pakhat an tlaih

 

Sagaing PDF nih CDM lem a cang mi Palek pakhat an tlaih Sagaing ramthen Yinmapin pengah CDM lemcang i PDF a lut in ralhrangbu sin ah thawng a pe tawn mi palek thawnghlattu pakhat cu Yinmapin PDF nih an tlaih tiah theih a si.

 

Mah thawnghlattu pa hi Mungyua No. 2 palek sakhan in palek no. 530869, Si Thu Nyein a si tiah theih a si i, August 23 ah Banbawi khua pawng USDP (5) meng checkgate mei an khanghnak kong a hlat lio ah an tlaih mi a si.

 

Kan hnu August 23 ah Chindwin tiva ni tlaklei Yinmapin peng, Banbawi khua pawng Mungyua-Yarkhyi-Kalaywa lam ah a um mi Toe gate cu PDF nih mei in an khangh pin ah manager pa zong an thah tiah theih a si.

Ref; mizzima

==

 

Ayardaw peng chung khua pakhat ah ralhrang mawtaw bomb puah a tong

 

Ayardaw peng chung khua pakhat ah ralhrang mawtaw bomb puah a tong Sagaing ramthen, Ayardaw peng Cuaipagan (ကြွေပုဂံ)khua ah a lut mi ralhrang phu hna motor cu bomb puah a tong tiah theih a si.

 

Nizaan August 25,zinglei ah Cuaipagan (ကြွေပုဂံ) khua ah a kal mi ralhrang phu minung 100 hrawng nih ralhrang motor 7 he an luh hnu, chunhnu a kir lei ah Zayit(ဇရစ်) le Dungdit(ဒုံဒစ်) khua kar ah bomb puah in kah a tong tiah khuami hna nih an chim.

 

Khuami pakhat nih” kan khua ah hriam um ti in ralhrang hna cu an rak lut, innkhat hnu innkhat in an lut, checkhlatmak an tuah, inn chung thilri an leh dih, an hmuh mi poh an hrawh dih, kan khua in an chuah ah bomb in an den hna tiah theih a si.

 

Ralhrang phu hna nih hramhram in mi an tuah, kan mah lothlo nih hin zeihmanh kan tuah thiam mi a um lo, kan khua zong ah zei hriam hmanh a um lo” tiah a chim.

 

Cuaipagan (ကြွေပုဂံ) khuachung ah August 25, ni zinglei suimilam 3:00 in checkhlatnak an tuah leng ah khuami minung 10 leng tlaihkhih an tong tiah theih a si.

 

Ralhrang phu hna nih khuachung ah checkhlatnak an tuah caah khuami hna cu a himnak hmun ah an zaam, atu tiang ah khuachung ah an lut kho rih lo .

 

The Irrawaddy

The Chin Post

Be the first to comment

Leave a Reply

Your email address will not be published.


*