Salai Lungthli Biachim Mihi – Tutan Cu Mino Thazang Thawng Zong A Zuah Hnaloh. Cucaah Cun Pakhat Le Pakhat Kan Tikhawh Tawk Ciau In I Bawm Hna Usih.

Covid ral dohnak caah Hakha le Thantlang ah pumpek riantuantu volunteer phu sin ah ting 25 veve (total ting 50) ka bawmh ve hna. Minung pakhat tal nunnak thaw oxygen a pe khotu bawmhnak ah cang hram ko seh.

Tutan zawtnak hi tihnung khun, mino thazaang a thawng rihmi zong thawchuah khawh loin a tuah hna i tampi nunnak a liam cang. A karh a rang tuk.

Oxygen zong fawi tein cawk ding um ti lo. Bochan awk cozah kan ngei hoi lo. Nun ko buin thaw a chuah kho lomi kan unau tampi an um. I ralring cio hna u sih. Kan ti khawh tawk in pakhat le pakhat i bawm cio hram u sih.

Crd, Salai Lungthli Tum

Relchap——-
‘A zawmi kan um rih lo nain oxygen kan i cawk cia, nai cawk ve cang maw? I cawk ve cang’ tiah ruahnak aka pemi an tam ngai. Mah hi i ralrinnak phun khat a si ve ko nain tulio minung tam bik a thattu pakhat a si ve.

Phaisa ngei deuh pawl nih an zaw lo nain ralrinnak caah oxygen tamtuk an i cawk cia dih caah harsa mizaw ca cawk awk a tang ti lo.

Phaisa ngei deuh pawl an inn ah cun dawp cawk lo oxygen dur an chiah sawhsawh cio ko. An i ralrin ruang ah a si ve ko i sualphawt awk cu an tha ve lo.

Crd, Salai Lungthli Tum

Be the first to comment

Leave a Reply

Your email address will not be published.


*