Salai Sun Ceu Khua Ah Rallokap An Phanh Caah Khua 6 Nih An Khua Chuahtak In Ramlak Ah An I Dor

Salai Sun Ceu Khua Ah Rallokap An Phanh Caah Khua 6 Nih An Khua Chuahtak In Ramlak Ah An I Dor… Chin ramkulh,Falam peng Kawlram minthang hlasak thiam Salai Sun Ceu chuahnak khua Locom khuaah ralhrang minung thazaang 50 hrawng nih sianginn ah tuzing suimilam 11 hrawng in umhmun an khuar.

Rallokap nih umhmun khuar nak khuapawng khua 6, inn 150 hrawng nih an khua zaamtak in ramlak ah an i dor hna. Ralhrang rallokap cu tuzing ah Var sakhan in kee in an rak phan, Var sakhan ahcun ralhrang minung 20 hrawnglawng an tang tiah Zalen nih a langhter. The Chin Post

thawngpang dang relchap : Good News : Kyauktaw ah AA Nih Ralhrangbu Hriamnam An Chuh Hna

Kyauktaw ah AA Nih Ralhrangbu Hriamnam An Chuh Hna. Rakhine ramkulh Kyauktaw Maharmuni pura ah umhmun a khuar mi ralhrangbu cu nizaan June 26 suimilam 12 hrawngah AA nih an luhhnawh hna i hriamnam cheukhat an lak piak hna tiah theih asi.

Mit in a hmumi nih a chim ning ah AA nih an luhhnawh hna i, rallokap pawl cu an bawh ter dih hna hnuah an meithal an lak piak hna i, an kir tak hna, Tuzing lei cu ralhrangbu mawtaw 7 leng an rak phan tiah a ti.

Hi kong he pehtlaihin ralhrangbu lei nawlngeitu pawl chawnhkhawh an si lo. AA chimnak nawlngeitu Khai Tu Kha nih “mahka hmun hi mino pawl an buai pah lengmangnak hmun asi. Atu cu an dai cang ko” tiin a chim. # narinjara. The Chin Post

Be the first to comment

Leave a Reply

Your email address will not be published.


*