Sayamah An Tlaih i An Tuahto ning Cu Ngeihchia In Zaangfak Tuk A Si Ai E Aw

Tanintharyi Region Myeik Township i sawng sayamah pahnih cu Nay Chi Htwe le Daw Chit Myint Thu cu ralkap kut tangah rian kan tuan duh lo tiin CDM i an luh ruangah ralkap pawl nih cun March 31 ah an tleih hna.

Myeik khuapi i um mi Cawng sayamah U Nyein Chan Oo zong April thla ah khan an rak tleih. June 13 ah an pathum i konglam cu court ah an buai pi hna i kumthum chung thongtla dingin an cungthu ceih piak an si. Khuachung mi pakhat nih cun dai tein ralkap uknak an duh lonak cu CDM tuahnak in an langh ter ko i cu ruangah cun an tleih hna tiah a ti.

Myeik Prison thonginn chungah an khumh hna tiah a ti. Tanintharyi Region chungah CDM tuah Cawng saya /mah sianginn chung i riantuan mi minung 7236 zat cu ralkap nih an rian in an phuah hna. Cheukhat hna cu tleih an timh hna caah hmun dangah an zam tiah a chim.

Tanintharyi cawng saya pakhat nih cun ralkap pawl nih hngakchia pawl cu sianginn kai dingin an ti hna nain sianginn tam deuh ah cun CDM an tuah dih hna caah sianginn tam deuh ah cun sianginn an kai kho hna lo. Cheukhat ve hna zong cu sianginn cu an on ko nain hngakchia sianginn kaimi cu mi tlawmte lawng an si ve tiah a ti.

thawngpang dang : Kawlram COVID)19 Zawtnak in Mi An Thihtuk nak Kong (Tih A Nung Hleice)

May thla chungah covid 19 nih kawlram cu a van phak ve ngai cang i a dam lo mi le a thimi zong an um len cang. Ministry of Health and Sports pawl nih zei bantuk zawtnak hrik dah a si tiah an hlat len hna hnuah June 15 zaanah a konglam cu an rak chim khawh. Covid 19 chuak tharmi a si i India’ USA’ France’ Germany ‘ Spain ‘Ireland ‘ Switzerland ‘ ram pawl rak dengtu covid 19 phun cu a rak si ve.

Myanmar ram dengtu Covid 19 cu Alpha’ Delta’ kappa an si hna i tih nung ngaingai tiah theih a si. MOHS nih an hlat len i a dam lomi minung 11 chungah Alpha ‘Delta’ le Kappa zawtnak cu an hmuh tiah theih a si.A dam lomi pawl an umnak cu Kalaymyo ah pakhat Myeik ah pathum ‘Mandalay ah pali’ Tamu ah pahnih le Yangon ah pakhat tiah dam lomi an hmuh hna.

Alpha’ Delta ‘ Kappa Covid 19 zawtnak cu i chawnh zong a fawi tuk i a rang zong a rang ngai. A dam lomi chikhat ah a thi colhmi zong an um len. June 15 tiangah Covid 19 zawtnak a ngeimi hi Kawlram chungah 146051 bak rel khawhmi an si i a thi mi hi 3248 an um cang tiah theih a si.

Be the first to comment

Leave a Reply

Your email address will not be published.


*