Sayamah Nute Pakhat Ruang Mah Thil A Cang Mi Hi Cu Aw A Fak Tuk E

Tuchun June 5, zinglei nazi 3am hrawngah Ralkap pawl nih Ayeyarwady ramthen Kyonpyaw myone Hlay Swae khua cu ruru hranghrang i va luh hnawh an timh hna i an khuachung mipi nih duh loin an rak kham tik hna ah biatak te in an buai i ralhrang ralkap lei nih an khuachung hngakchia le nu pawl i tel in minung 17 bak an thah hna tiah thawng kan theih.

Hmanthlak chung i a nak mi i an khuh mi pawl hna khi mithi ruak lawng te an si. Hlay Swae Khua ahcun ralkap nih sianginn an phuanh cang nain, a ho hmanh sianginn kai mi minung an um lo caah an khua i ca chim tu sayamah nu cu a lung awi loh i ralkap pawl sinah Hlay Swae khua ah ralthuam ai tleih mi an um tiah a va report hna.

Cuti cun June 5 ,zinglei nazi 3am hrawngah ralkap pawl cu Hlay Swae khua ah cun an va luh hnawh hna i inn kip ah meithal an check hna hnu ah an khuachung mipi pawl vialte cu duh chung in an hrem hna i an vuak chih len hna. Cuthil a phanh tik ah mipi vialte cu an i sum kho ve loh i an neih chun ralthuam an hmang ve i an i doh hna.

cuti cun ralkap pawl cu an thuat chih ve hna. Ralkap pawl nih cun an i ken mi ralthuam lian mi le puitling pawl cun mipi cu an kah chih thluahmah hna. An ralthuam ken mi ai thlau tuk ruang ah khuami a cheu khat cu ramlak ah an zam hna. Cuhnu cun ralkap lei nih an va fuh than hna i ramtang i a um mi hngakchia he nu pawl he minung 17 an va thah hna.Hlay Swae khua ahcun mipi humhimtu PDF an um loh i ralkap cawlcangh ning an duh lo ruang ah an si khawh chung in an rak doh ve mi hna tu khi a rak si.

Tu i an dirhmun ah hin khua mipi pawl vialte cu an khuachung ah um ngam loin ramtang ah an zam dih i ralhrang pawl cu an khuachung ah um hmun khuar in can an hmang ti a si. Mithi 17 pawl zong a ho hmanh nih an ruak an la ngam rih hna loh i cupin ah minung pa 9 hliamhma faktuk a tuar mi pawl zong tuamhlawm kho lo in ram lak ah an um ko.

Be the first to comment

Leave a Reply

Your email address will not be published.


*