Shan ramkulh chaklei ah ralhrang nih kahmi hriamngan ruangah quarantine um mi pakhat hliam a tuar

Shan ramkulh chaklei ah ralhrang nih kahmi hriamngan ruangah quarantine um mi pakhat hliam a tuar

San ramkulh chaklei Kyukauh pansai(ကျိုကုတ်ပန်းဆိုင်း) peng in ralhrang phu le, Kokanh ralkap MNDAA ralkap hna dohnak dih hnu ah ralhrang phu hna nih hriamngan in an kah hna caah Pansai Biakinn hmunchung quarantine um mi minung pakhat cu hriamngan nih a hliam tiah theih a si.

Nizaan August 20,Pansai ralhrang phu hna nih MNDAA phu an doh hna hnu ah, kahdohnak a chuah lio an kahmi hriamngan nih, sianginn le Biakinn a tlak caah mipi lei in minung pakhat hliam a tuar nak cu a si.

Nihin zongah Shan chaklei hmunhnih ah ralhrang phu hna le MNDAA kar fakngai in kahdohnak a chuak tiah theih a si.

Kachin waves
The Chin Post
===

Thawngdang
Ralhrangbu Nih Karen Ram An Riahbuk Pakhat An Chuahtak

Ralhrangbu Nih Karen Ram An Riahbuk Pakhat An Chuahtak Karen ramkulh Kyainseikkyi peng Kyeik khua ah a ummi ralhrangbu riahbuk pakhat cu August 20 zinglei ah an chuahtak.

Ralhrangbu nih an chuahtak hnuah KNU/KNLA ralkap an ra i, an riahbuk cu vawlei cawhnak seh in an hrawh i, inn zong mei in an khangh dih tiah theih a si.

Hi ralhrangbu riahbuk hi 1997 kum ah Saw Tu Mu He hruaimi KPF hna ralhrangbu kut ah an i pek hnuah ralhrang nih riahbuk ah an rak hman mi a si.Hi riahbuk ahhin ralhrangbu 30 hrawng an um tiah theih a si.

Hi kong he pehtlaih in khuami pakhat nih, zinglei suimilam 7 hrawngah Kyaitung lei ah an thilri le hriamnam vialte phor in mawtaw in an i thawh cang.Kahdohnak zong zeihmanh a um lo tiah a chim.

KNU/KNLA liberated area cheukhat ah ralhrangbu nih an riahbuk an chuah tak mi hi atu nai hrawngah a um pah len tiah Karen Information Center nih a tial.

Thawngdang
Yunan – Myanmar Chawlehnak 37% A Kai – Ms. Cun Min

Yunan – Myanmar Chawlehnak 37% A Kai – Ms. Cun Min China ram Yunan province le Kawlram chawlehnak cu nikum nakin 36% a kai tiah Yunan Economic & commerce deputy director general Ms. Cun Min nih regional comprehensive economic partnership (RCEP), refresher training ah a chim.

Nikum 2020 kum 1 chungah Yunan-Myanmar chawlehnak cu American dollar 8.129 billion a si i, tukum 2021 Januray in June thla tiang kum cheu chungah US dollar 4.662 billion a si tiah theih a si.

China-Myanmar le Yunan-Myanmar cu chawlehnak, infrastructure lei ram pahnih tuantinak caah lam tha ngai mi a si tiah theih a si.

Kawlram leiin China ram ah an kuat mi hi facang, thingthei le eidin phunphun le tiva chuak thil hna a si i,China leiin Kawlram ah a lut mi hi electronic thilri, seh thilri, sii, eidin, khuasak tintuknak ah hman mi thil phunphun le non (fertilizer) cu a tambik a lut mi a si tiah Muse, rice commodity exchange pakhat nih a chim.

Kawlram nichuah chaklei kutka pakhat a si mi Muse cu China ram Yunan province he chawlehnak a tha cem le a tam cem mi a si.Hi chawlehnak lam hi 1988 thawkin ram pahnih nih hnatlaknak an rak ngeihcia mi border trade lam a si.

Ref; NPnews
The Chin Post

Thawngdang
Ralhrang Nih Khuami Tlaihmi Hna Cu Ralphaw Ah An Hman Hna

Loikaw lei ah a kalmi ralhrang nih mipi 15 an tlaih hna i,an thuam an hruk ter hna hlei ah phaw ah an hman hna

Kayah ramkulg(Karenni) Pasuso-Demoso lei in Loikaw ah a kalmi ralhrang nih mipi 15 cu an tlaih hna i,cikcin in an tem hna hnu ah ralhrang thuam an hruk ter hna i August 21 ah an kal pi hna.

August 14 in 19 tiangah khuami 29 an tlaih cang hna i,atu lio caan hi lo riantuan caan a si caah khuami harsatnak kan tong tiah Karenni nuhrin covo ah a cawlcang mi pakhat nih a chim.
KTM

Thawngdang.Mogok ah ngatlai tu minung 4 le dawr thilcaw minung 3 cu rallokap nih an tlaih hna Mandalay ramthen Mogok khua i Minkalar Kaan Paung ah August 20 ni ah ngatlai tu minung 4 le Nilar dawr ah thil a rak caw mi minung 3 cu rallokap nih an tlaih hna tiah khuami hna nih an chim.

Khuami pakhat nih ” ngatlaih ah a kal mi minung 4 cu an rak tlaih hna.Zei ruang ah an tlaih hna ti hi kan thei lo.Rallokap hna cu Kaan Buang pawng ah rallokap thazaang tampi in hmunhma an lak nak a sau cang “tiah a chim.

Nilar dawr chung ahcun thil a rak caw mi hna chung in a cheu cu hriamtlai hna nih an rak tlaih hna i nu pahnih an i tel tiah an tlaih lio a hmu tu pakhat nih a chim.

Nu pahnih an i tel. An muisam le an thil hruk cu khuate lei in a ra mi dawh an si.Muka vandum mui a khuh mi hna nih an rak tlaih hna .Muka tang ahcun hriamnam an i ken.

Rallokap phu hna nih Mogok khua chung cu an hel nak a sau cang i atu minung 7 hi zei ruang ah dah an tlaih hna ti hi kan theih kho rih lo tiah khuami hna nih an chim.

DVB
The Chin Post

Edit – Hmanthlak ka chiah mi hi adang pi asi

Be the first to comment

Leave a Reply

Your email address will not be published.


*