Sivai Bomb Ruang ah CDF-Mindat in Mino Pakhat a Nunnak a Liam Than

Sivai Bomb Ruang ah CDF-Mindat in Mino Pakhat a Nunnak a Liam Than
———
SAC ralhrang nih Sivai Bomb (Chemical Bomb) in CDF-Mindat an kah hna ruang ah minung 3 cu sivai hliam an keng i cu chung ah cun minung pakhat June 6 ah a nunnak a liam, tiah theih a si. Mindat peng hmun 2 ah CDF-Mindat le SAC ralhrang karlak ah kahdohnak a fak ngai i SAC ralhrang lei nih ralhriam nganngan an hman pin ah UN nih a khammi Chemical Bomb tiang in an hman hi a si.

Nihin chun ah SAC ralhrang nih vanlawng zong an thlah i Mindat peng chung ah ngiathlainak an tuah cuahmah. “SAC ralhrang pawl bu 2 ah an i tthen i ralzaam pawl umnak hmunhma lei ah an rak naih,” tiah Mindat mipi uknak lei bu nih thawngpang an chuah. The Chin Journal

thawngpang dang relchap : Min Aung Hlaing Nih ASEAN Hruaitu Pahnih Cu Lungmit In A Rak Tuah Ko Rua Hna

ASEAN ram hruaitu hna lak in minung pahnih hna cu Kawlram ah thlah an si cang.ASEAN nih a thlah mi hna minung pahnih le Min Aung Hlang ralkapbawi pawl hna nih cun June 3 zaan ah biatak tein tonbiaruahnak an nei.June 4 ah Naypidaw khuapi chung hmunhim nak bik ah Min Aung Hlaing le a ralbawi pawl hna he lungduh biaruahnak an neih mi hna tampi chungin mipi nih theih kan duh lai tiah a tawi fian nak in kan vun langhter.

ASEAN ram hruaitu palai pahnih nih an chim mi cu ASEAM ram hruaitu hna nih biachahnak kan neih mi chung in phun 5 cu a ran nak in tlamtlinter kan duh.cun kan mah ASEAN min aiawh in Kawlram chungah mi zei paoh him tein luh khawh nak ding nawlpek an si lai.cu kongah Covid tlangrai kongin irunvennak ding caah Kawlram cu ASEAN hruaitu nih a bawmh lai.ASEAN palai pahnih hna nih cun CRPH le NUG cu hna kongah zeitik ah dah remdaihnak nan ser khawh lai tiah Min Aung Hlaing cu an hal.

Asinain Min Aung Hlaing le a rakbawi pawl hna nih cun CRPH le NUG cu kan zulh mi phunghram kalh in a cawlcang mi an si caah an mah he zeithil hmanh kan tuah kho lai lo.an mah CRPH le NUG nih cun a ran nak in rampi ithimnak cu tuah t’han an duh na in cucu an duh ning in zei hmanh kan tuah kho lai lo.an mah CRPH le NUG nak in Kawlram mipi dirhmun zoh in rampi ithimnak cu ka tuah lai.Votes ningcang lo in a tla mi vialte hna cu tehte he ASEAN ram hruaitu hna hmai le vawlei pi hmai ah a rauh hlan ah kan phozar lai tiah leh nak a tuah.

Tutan ah ASEAN ram hruaitu hna chungin Kawlram a phan mi hna hi ASEAN Chairman Brunei ramdang vuanci changtu Wry Pewhin Yusof le ASEAN secrectary rian a t’uan cuahmah lio mi Lim Jock Hoi hna an si.an biaceih mi zoh tik ah zei pipa a si lo pin ah ruahchan nak cu a um lo hrimhrim.a bik in Min Aung Hlaing cozah le CRPH-NUG karlak dirhmun an rak bih zoh tu men an lo.NUG nih a tong duh hna lo.hi Palai pahnih hna nih an chim mi cu a tu hi a rauh hlan ah Kawlram mipi sin ah an mah ASEAN mifim thiam tampi kan thlah hna lai ti in an bia a dong. Source: AFP – Agence France Presse

Be the first to comment

Leave a Reply

Your email address will not be published.


*