Solomon Thangding Hi Cu Pasal Tha Taktak Tih Ngei Lo Paral Tha Timi Cu A Mah Bak Hi A Si Ko , Tih Bak Nung Cang

Chin miphun nih bochan taktak mi le upat taktak mi Chin ralkap ralbawi ngan Col. Solomon Thangding hi Chin miphun nih cun upat cio mi pasaltha taktak pakhat a si. A caan ngeihchun vialte Chin miphun caah a pe siangtu le a sining dihlak taktak in Chin miphun caah dothlennak a tuah tu pasaltha taktak a si.

Tutan ah Kawl ralhrang nih hramhram in uknak an lak mi ruangah hmunkip ah kahdoh nak a chuak cang i thisen tampi zong a luang cang. Cun kan Chinram chung zongah kan unau hna chungin ram le miphun caah tiin a nunnak a pe cang mi hna hi an tlawm ti lo.

Chinmi nih kan i ngeihchun mihna Chin National Army (CNA) zong biatak tein an cawlcaang cuahmah pinah hmunkip ah kawl ralhrang an doh hna. Asinain thinlung tha a ngei kho ve lo mi hna kanmah Chinmi chung in CNA cu heh chat tiah an soisel hna i an thangchiat ko hna.

CNA riantuannak le ram caah nunthap in an cawlcangh nak hi a theihpiak duh ve lo mi hna le a hmuh piak duh ve lo mi hna an tamtuk rih mi hi cu lungrawk taktak a si ko. Chinram le Chinmi phun caah zeihmanh a tuah ve lo mi hna pawl ko hi CNA a soisel tu cu an si.

Pasaltha Col. Solomon ThangDing nih tunai teah hi ti hin ca a rak tial “asung balmi miphun kan si lo, a dihdongh tiangin ral kan tu lai, a hmaan mi raltuk nak ah teinak kan hmuh hrimhrim lai (အရှုံးပေးတတ်သော လူမျိုးမဟုတ်။ အဆုံးတိုင် တိုက်ပွဲဝင်မယ်။ တရား သော တိုက်ပွဲ အောင်ရမည်။) ” tiah a rak tial hi a si.

Thawngpang dang : Ralkap Dirpitu Pawl nih Ralkap Sin ah Hriamnam An Hal Ve Cang Hna , Hriamnam An pek Hna Lai i Zeipoah Tuahnak nawl An pek Fawn Hna

Kawlram ralkap nih June 12 chun ah kawlram ramchung i thawngpang latu pawl he i ton nak an ngei hna i cu ah ralkap dirpi tu pawl nih cun ralkap pawl sinah cun ralthuam hman dingmi tuah piak dingin an hal hna.A hal tu nu cu media aiawh tu zong a si lo.Ralkap dirpi tu aiawh in bia chimnak tuah vemi a si i ralbawi Zaw Min Htun sinah hi tin bia a chim.

Tu ah NUG hruainak in ralhrang pawl cu tih an nung tuk cang i khawika hmun paohah hin kan him ti lo. Ralkap dirpi tu pawl hi zeitin dah kan um lai. Cu caah ah cun kan i ven nak caah ralthuam na kan siam piak kho lai maw? tiah a ti. Cu tikah ralbawi Zaw Min Htun nih cun mipi zate cu kan in veng kho hna lo timi cu kan pawm mi si.

Sinain ralkap sinah thawngpang felfai tein a chim pengtu hna cu an inn ah kal in an himnak caah thil tiah piak an si lai. Mah le mah i vennak ding caah thil tuahmi paoh cu minung ho paoh nih tuah khawh dih a si. Mah le mah i ven nak caah cun sual a um lo timi zong a um ko. Asinain mah le mah i ven nak caah daan cu tampi a um ve ko i daan zulh zong cu a hau ve.

CRPH le NUG pawl nih nan nunnak caah tih nungmi tiangin an rak in ti hna a siah cun a nunnak ding caah na cawlcanghmi cu sual ah kan in phaw lai lo. Cucu daan hmangin mah le mah i vennak caah a um ciami daan a si. Ralkap dir pitu pawl cu nan him lo tuk timi cu kan rak theih tuk ve.

Cu ruangah nan himnak ding a simi cu tling tein chim dih ulaw nan himnak ding cu si khawh chungin kan in tuak piak hna lai tiah a leh ve. NUG konglam i hal a siah cun Myanmar ah NUG cozah timi hrim a um lo thil le online chung lawngah a um. Ramdang nih zei bantuk cozah dah a pom timi zongah kan buai lo. Asean biaruahnak ah ho dah kal cun ramdang palai pawl ton dingin ho dah kal timi cu nan theih dih ko tiin a mah biahaltu cu ralbawi Zaw Min Htun nih cun a leh.

Be the first to comment

Leave a Reply

Your email address will not be published.


*