Tanky An Thianhnak Ah Unau 3 An Nunnak A Liam

Tanky An Thianhnak Ah Unau 3 An Nunnak A Liam Nizan August 27 zaanlei suimilam 4 le cheu hrawngah Kolasib, Pu Vanlalsiama fapa 3 hna cu ti an chiahnak thianh dingin tanky chung an lut lio ah oxygen an duh zat an hmuh lo ruangah an nunnak a liam i, An mah chanhtu dingah a lut mi Pu Chuanliana, Diakkawn zong a nunnak a liam ve.

 

Pu Vanlalsiama Parte pafa 3, Pu Albert Vanlalhriata Parte (kum 40), Pu Andrew Vanlalhruaia (kum 40) le Wiliam Lalduhawma Parte (kum 35) hna cu an inn sak nak tang tipung tuah dingin mau an doh lio ah oxygen an khim lo ruangah an chuak khawh lo ti theih a si.

 

An thawngpang an theih le cangka in chanh dingin a lut mi Pu Chuanliana, kum 60 mi zong a thawh a pit colh ve tiah theih a si.Mah hnuah midang an auh hna i an dihlakin an chuah tikah unau 3 hna cu an thi cang i, Pu Chuanliana zong sii inn panh pi a si hnuah a nunnak a liam.

 

Diakkawn YMA nih an chim ningah vanchiat a tong mi unau 3 nu le pa hna hi covid-19 zawtnak a ngei mi an si i, an unau pathum lakah Andrew Vanlalhruaia fapa zong covid-19 zawtnak ruangah zohkhenh lio mi a si tiah theih a si.

# LPS

Be the first to comment

Leave a Reply

Your email address will not be published.


*