Taung Dagon Palik Sakhan pawngah Bomb a puah Palik pakhat a thi

Tuzing ah Dagon Myothit thlanglei Palik sakhan pawngah bomb pakhat a puah caah palik pakhat a thi tiah a hmunah a um mi pakhat nih “Bomb a puah an ti mi cu a dik ko, Zinglei ah Bluetooth box in hla a sak ter lio mi cu a din caah palik pakhat nih a va zoh lio ah a puahmi a si. Palik pakhat a khen tiah ka theih” tiah a ti.

Bomb a puah hnuah Myone khuabawi zung hmai lam hna cu phih a si i, ralhangbu nih lam ah a chawhmi hna cu an chek, Chak le thlanglei lansung palik sakhan pawngah zong an chek. An tlaih mi zong an um tiah ka theih, pazeizat an tlaih ti belte cu chimh khawh a si lo tiin Mizzima News nih a ti. Taung Dagon hi Yangon khuapi chung ralhrang uk nak an thanh ve mi myo pakhat a si. #mizzima. The Chin Post

thawngpang dang : Nizaan tihni Shan ram chaklei ah rallokap disel phor tu mawtaw pasarih KIA Nih An Kah Cang. Shan ramkulh chaklei Kuatkhai khua cozah lampi ah rallokap hriamtlai phu hña i disel phor tu mawtaw 7 cu nihnih chungah KIA nih kham in an kah tiah theih a si.

”nizaan tihni hmasa ah khan disel phor tu mawtaw paruk cu an kah, tihni zongah mawtaw pakhat an kah chap. Mawtaw kah cang mi hi pasarih a si cang ” tiah KIA lei in biachim nak nawl ngei tu tongmangham Nawbu nih a chim. Nizaan tih ni i mawtaw an khanghnak video cu kan van thil chih. 20/5/2021 zing zongah KIA nih Mawtaw pahnih an kah tthan tiah theih a si. A tanglei ah kan van langhter.

Thawngpang peh : A thakho tuk e maw Bawipa umpi zungzal ko hna, zeitluk in dah kan chin mipi le kan kawlram mipi nih ralkap kut in an tuar i an nun nak an pek cang zeitluk in dah ngan fah nak an in i nu le va ttang a tthen hna hlei ah pa le fa tiang in a tthen tu hna kawlral kap chungin teinak kan pe ko sawh.

Good news kan van theih, Kachin ramkulh, Shwepayawbum peng chung Shweyang le Mengthong karlak ah Myintkyina khuapi le Putao lam meng (108) a hlatnak ah May 19, 2021 ni chun suimilam 2:00 hrawngah vanlawng datsi a phort mi motor 2 cu mei khangh piak an tong than, tiah thawngpang theih a si. Vanlawng datsi a phorh mi motor 2 hi Shweyang le Mengthong karlak cungah mei khangh piak an tong hi a si. Hi kong he pehtlai in a pawngkan um mit hmutu pakhat nih motor mongh pa hliamhma a pu, tiah The 74 Media sin ah a chim.

May 19, 2021 ni chun suimilam 2:00 hrawng ah mei nih motor 2 cu a khangh thluamah ko, a khangh lio caan ah hin a pawng ka phan ve, tiah mit hmutu pakhat nih a chim. A hmai kalmi motor pakhat cu tha tein ka theih kho lo nain a hnu deuh motor cu mei a khangh cuahmah ko, tiah a chim chih. Motor mongh pa cu hliamhma cu a pu ko nain a thi cu a thi lo, tiah a chim.

Vanlawng datsi a phorh mi motor a khangh piak hna hi a voi a tam ngai cang. Myintkyina khuapi lei in Putao khuapi lei ah a kai mi vanlawng datsi phorh motor a si. Kachin ramkulh chungah Ralhrang tapung datsi phort motor pawl hi atu le tu in KIA hriamtlai phu nih an khangh piak peng hna. KIA hriamtlai phu nih Ralhrang tapung pawl an cawlcanghnak le an thazang thawnnak vialte chahpiak dih an timh hna ti khawh a si.

Hi Vanlawng datsi a phorh mi an kah peng nak le mei an khangh piak peng mi hi KIA Sakhaan pawl a himnak caah a tha tukmi raltuk thiamnak phunkhat a si. KIA hriamtlih phu duhtawk in an phomh kho ti hna lo caah lampi raltuk tactic an hmangmi hi an thiam tuk hringhran.

Be the first to comment

Leave a Reply

Your email address will not be published.


*