Thawngpang Tha Taktak Ralhrang Dohtu Ding Ralkapbu Thar An Chuak Than

All Burmese Students’ Democratic Front (ABSDF) ralkap pawl biatak tein an cawlcang ve cang lai tiah theih a si.All Burmese Students’ Democratic Front (ABSDF) ralkap pawl hi Union of National Resistance Army (UNRA) tiin kum 2014 ah rak dirh mi a si i Colonel Khin Kyaw nih biatak tein a t’hit hruai mi hna an si.

Atu ah cun All Burmese Students’ Democratic Front tangah National Defense Force (NDF) Junior officer training zong voi 7 an lim cang caah ralhrang pawl kah doh dingah timhcia kan si cang tiah thanhnak an tuah.Min Aung Hlaing cozah nih hramhram in rampi uk nak Kum 2021 February 1 in a lak hnu in All Burmese Students’ Democratic Front ralkap nih hriamnam hmangin kan doh lai tiah biatak tein timhlamhnak a neih cawlh ve.

Ramdang dang ah a um mi All Burmese Students’ Democratic Front chungtel hna nih hriamnam lei ah biatak tein an vun tawlrel hnu in NDF ralkap cu an vun dirh cawlh a si i hriamnam zong tlamtling ngaingai cang.a tutan a voi 7nak raltuk kan cawnter mi hna hi ralhrang kahdoh ve ka duh tiah an mah tein ai pe mi hna an si i mino lawng te an si tiah an hruaitu NDF chairman Thun Aung Kyaw (74 generation) nih a chim.

NDF Defense Minister U Yi Mon nih cun kan nih cu PDF caah an herh bau mi vialte kan bawmhchanh dih hna hnu in NDF cu PDF bantuk in a herh ning paoh in cawlcangh kha kan i tim bia zong kan kamh hna i biatak in ral a doh ding ah kan rak chim lo caah PDF bantuk in NDF cu ralkap puitling ah NUG nih a kan cohlan rih loh.asinain ralhrang doh dingah timhcia kan si cang tiah NUG cozah ralkap lei zohkhenhtu hna sin ah theihternak an tuah cang tiah theih a si.

Be the first to comment

Leave a Reply

Your email address will not be published.


*