Thla sarih chung cozah zung a bauh tawn tu pa an tlaih

Thla sarih chung cozah zung a bauh tawn tu pa an tlaih. Mizoram Champhai khuachung cozah zung dang dang thla sarih chungah voi 10 tiang a bauh tu Jacob Vanlalbika tiah a chim mi James Vantlalthlana, kum 42, Myanmar Khawmawi khua cu nizan zinglei 2:30 hrawngah Champhai Palek nih an tlaih.

James Vanlalthlana hi zarhpi ni ah khan Champhai district Agriculture zung cu a bauh i, thlir bawm pakhat a fir hnuah Myanmar Bike he a phurh lio cawn nikhat zinglei 2:30 ah New Champhai ah palek nih an tlaih. A thil fir mi chungah hin India phaisa 464,950 a um.

Champhai palek nih an chim ningah James Vanlalthlana hi nikum October thla ah khan Champhai Agriculture zung cu a rak bauh cang i Rs.550.000 a rak fir cang. Nikum October thla in a tu an tlaih tiang ah voi 10 bak cozah zung a rak bauh cang mi a si. Mah pa hi Agriculture zung voi 2 a bauh hnuah Revenue zung, DRDA voi 2, District Court, Power & Electricity office, DLAO Office, BDO Office le Champhai Govt. College hna cu a rak fir cang mi a si caah palek nih Special Investigation Team dirh in an rak hlathlai lio mi a si.

A tu Agriculture zung bauh dingah hin an khua Khawmawi in zan suimilam 11 hrawngah a chuak, Far tiva kai in Mizoram hi a rak lut mi a si. James nih cozah zung dangdang a rak buahnak in phaisa le thilri a fir mi man zat hi India phaisa in Rs. 1,431,400 a si tiah palek nih an chim.

District dang zongah thil fir ruangah voi 4 thong a rak tla cang mi a si. Amah hi Khawmawi khua Myanmar ah a um mi a si.The Chin Post

Be the first to comment

Leave a Reply

Your email address will not be published.


*