Tial Lian Thang Nih Kha Bantuk Bia Chim A Duh Ahcun An Nu Sinah Va Chim Cang Seh

Nai hrawng cu kan theih cio bang Evan Tial Lian Thang biachimmi nih Laimi thinlung a khehkhuai cikcek. Zeicatiah a biachim angaimi nih cun kan theih cio ko lai, hi tluk Kawl ralkap nih an kan thah le an kan nawn cuahmah lio caan ah Hnemh le heh tiah Pathian bia lei tuin thazaang pek si loin, Evan Tial Lian Thang nih cun Ralkap an sualnak hi pakhat hmanh ka hmu lo a ti bak. Bible hi kaa relsek ve ko nain pakhat hmanh an sualnak ka hmu lo a ti bak.

Cu caah a tubantukin a biachimmi nih Laimi thinlung a zawtter pinah Laimi thinlung ahcun a thi ti usih law ka palh lai lo. Cu a chimmi he pehtlaiin Salai Lahnin(Hebru ti zongin kan theih tawnmi) nih Live a van i thlahnak ah van chim ve. Hebru hi a thei lo mi tampi kan um lai, A nih hi online chungin aukhuang ve mipa pakhat a si ve, a duh lonak a um ahcun live aa thlah i zei paoh a chim ngam mi pa a si.

Tthenkhat bantuk i Facebook deu(fake) hmangin heh tiah aukhuang ve mipa a si loh, cu caah uar a um khun nak a si tawn. Live i a chimmi chungin tling fiang cikcek cun ka van langhter thiam lai lo i, a tawifiannak tuin langhter khawh kan van i zuam lai.

“Tial Lian Thang nih a chimmi kha amah lei kapin a chimmi a si i mipi lei zong nih a ruahpiak zia kan thiam a hau, amahbelte voihnih thum a chim tthan a si ahcun US ummi a si ve ko caah a hrang ahcun thil poi ngaingai a chuak kho. A hlanbantuk in an zia a chuak, an kan thah an kan velh, nunau an tlaihhrem hna i naupawi mi tiang zong an thlah hna lo. Kawl Ralkap hi an sual kan ti lo i a hua zong kan hua fawn hna lo hmanhsehlaw kan inn kehram an phan cang, inn chungah an rak lut zau lai. Cu caah kan mah i venhimnak caah a herhning paoh in kan cawlcangh aherh ve. Hriamnam siseh meithal zong kan i tlaih ve a hau i kan doh ve hna a herh.

Mah ruang ahcun Tial Lian Thang nihhin online ah kha bantuk bia kha chim ti hlah seh chim a duh a si ahcun an nu sinah chim cang seh. Zeicatiah a mah hrangah thil ttha lo a si sual lai.” ti’n a biachimmi tawifiannak deuh in kan rak langhter mi a si.

Note: Hi kan ttialmi kongah pumpak hnursuannak pakhat hmanh aa tim lo i, pakhat le khat cung zongah huatnak a chuahter tu a si sualnak hnga lo mipi careltu in siseh, pumpak zongin siseh nan theihthiamnak kan in nawl hmasa hna. Cun tu lio cu Media a tam tikah lih a tam ngaingai cang i mipi careltu ca zongah hnahnawhnak tam ngai a chuak cang cu caah kan nih cu lih le hrokhrawl cu kan ttial lai lo tiah mipi sin zongin theihternak kan tuah. Careltu nan cungah lawmhnak tampi kan ngei. Share in thazaang rak kan bawm veh.

Be the first to comment

Leave a Reply

Your email address will not be published.


*