Tleihhrem Nak In A nun Nak A Liam

Mumoh ah nu pakhat tlaihhrem asi hnu ah an thah, Rallokap nih tlaihhrem in an thah lai tiah khua mi hna nih an lunghrinh July 14 ah Kachin ramkulh Mumoh peng Hnamlan khua ah nu pakhat an tlaihhrem i an thah tiah theih a si.

A thi mi nu hi kum 57 asi i July 14 nizing Suimilam 10:00 hrawng ah Lei ah a kal i tlaihhrem le thah a ton hi a si tiah khua mi pakhat nih a chim.

Credit;(TCP)
==

Thawngpang dang relchap
Trust Siangin Neitu Saya Bawi Lian Tho nih a kan liam tak.

Kalay myo Taungphila sang ih a um mi Trust Private High School neitu Sayakyi Bawi Lian Tho kum 61 nih tuchun July 16.2021 , 12:45am ah a kan liam taak.

Kalaymyo boarding rak thok ka 1993 Lio hrawng ah boarder ah kawlca chim pakhat a si.

2010 hnu ah private school tuah in kum tlawmpal ah hlawhtlinnak a hmu mi Sayagyi pakhat a si.

July 7 ah a thaisung nu Pi Ngun Bor zong a nunnak a rak liam..

Crd, AwnMawi Zuun
The Chin Post
==

Thawngdang Relchap
Ralhrang rallokap phu hna nih PDF phu an um nak hmun ah Drone hmang in le hriamngan in an kah hna.
Nihin Zinglei ah Kalaymyo Peng ah Kadohnak aa Thawk Than

Nihin (July 16) zinglei sml. 6:00 hrawng in Kalaymyo nithlanglei ah a ummi khuate pawl ah SAC ralhrang le PDF karlak kahdohnak aa thawk tthan.

Nizaan zong ah kap hnih kahdohnak a um i PDF in minung pahnih le khuami pahnih an nunnak a liam. SAC ralhrang lei in minung 17 an thi tiah Kalay-PDF nih thawng an chuah.

SAC ralhrang nih Drone in PDF pawl an umnak hmunhma an ngiat hna i, RPG le Sniper Rifle pawl in an kah hna.

Nihin zinglei ah aa thawk tthanmi kahdohnak thil sining kong he pehtlai in thanwgpang fiang in theih a si rih lo.

The Chin Journal
July 16, Yangon
==

Thawngdang relchap
Falam peng Ticirh khuami hna nih an dum chuak ti-sik-an-hnah in Rihkhuadar lockdown chiahnak no.2 mipi hna cu July 15 ah an va bawmh/pekchanh hna.
Crd, The Chin Post
==

Thawngdang relchap
Ni 15 Chungah KNU Brigade-5 Le Ralhrang Kahdohnak Voi 37 A Um, Ralhrang 31 An Thi
=================
Karen ramkulh, KNU Brigade-5 hmunhma a simi Mutraw pengkomh (District) ah July 1-15 chungah KNU Brigade-5 le ralhrang kahdohnak voi 37 a um i ralhrang 31 an thi tiah KNU Brigade-5 nih a thanh. Ralhrang lei ahhin ramri cawng ralkap BGF zong an i tel. Ralhrang lei hliam a tuarmi 42 an si. Cun BGF ralkap pakhat cu KNLA sinah aa fonh. July 15 kahdohnak ah KNLA lei pakhat hliam a tuar, a thimi cu an um lo tiah theih a si.

Hi kahdohnak chungah ralhrang lei nih cun khuami nih lo/leikuang an tuahmi cu hriamngan in an kahpiak hna, khua chung zongah hriamngan an puah, khuami aa chawkvak sawhsawhmi hna zong a huaha lo ah an kah hna tiah theih a si. Cun khuami nih an zuatmi satil, meheh 4 le naa 2 an thah i an ei fawn.

#Khit Thit Media
The Chin Post
=====

Thawngdang relchap
Pikyitakhun Peng Electric Zung Ah Bomb A Puak A Tlawm Bik 2 An Thi 7 Hliam An Pu

Tuni July 16 zingkaa Suimilam 9 hrawng ah Mandalay ramthen pikyitakhun peng Electric zung ah Bomb a puak i a tlawmbik minung 2 an thi tiah NBung Dat Kasa – Kachin Multimedia nih a langhter.

Tuzing Suimilam 9:00 hrawng ah Electric zung chung in bom a puak, Minung 2 an thi minung 7 hliam an pu tiah kan theih. A thi mi le hliam a tuar mi hi Electric zung riantuan tu le mei man a hal mi pawl an si tiah a theih a si.

The Chin Post
===

Thawngdang relchap.
Shan PDF Nih A VoikhatNak I Kahmak Ah Tei Nak An Hmuh

July 15 Shan ram tlanglei MaiNawng(မိုင်းနောင်)le Duza( ဒူယာ)ah a rak kai mi Rallokap pawl cu Shan -PDF nih an bawh hna i an kah hna tiah a pawngkam mi pakhat nih a chim tiah NBung Dat Kasa – Kachin Multimedia nih a langhter.

Shan -PDF nih an kah hna i rallokap mawtaw pakhat a rawk ii a khawng mi le hliam a tuar mi an tam caah rallokap pawl cu hnu ah an tolh tiah thawng theih a si.

Hi an i kahnak ah Shan – PDF a dir in a voikhatnak an i kah a si i teinak an hmu tiah kan theih tiah a langhter chap.

The Chin Post
===

Be the first to comment

Leave a Reply

Your email address will not be published.


*