U Kyaw Swa Min Ca Zongah Thinphang Si Cang

U Kyaw Swa Min Ca Zongah Thinphang Si Cang

British ram khualipi simi London khua ah Kawlram aiawh in palai rian a ttuan cuahmah lio bak ah Min Aung Hlaing ralhraang phu nih an mah nawl in an thlenmi le Embassy zung chung hmanh ah luh an sianh ti lomi Myanmar British Ambassador U Kyaw Swa Min zong nih London khua palik sin ah report a tuah cang.

A ruang cu U Kyaw Swa Min hi ralhraang pawl nih an mah duhnak in an thlen nain London khua Myanmar Ambassador hna umnak inn ah a um peng ko rih, a luan ciami August ni 14, kum 2021 zan ah khan U Kyaw Swa Min te umnak inn leng lei ah lunghrinh tlaak simi cawlcanghnak, ngaithlai tu an hmuh hna.

Mah thil hi uknak chut tu Min Aung Hlaing te phu cungah zumhtlaak in rian a ttuan tu hna nih an tlaihmi London khua Myanmar Embassy zung he pehtlaihnak a nei lai tiah London khua palik hna sin le UK ram nawl neitu hna sin ah U Kyaw Swa Min nih report a tuah.

A si nain hi kong he pehtlai in UK cozah nawl nei tu lei nih ralhraang phu nih an tlaihmi London khua Myanmar Embassy zung ah thawngthanhnak an tuah cang hna maw tuah lo timi bel theih khawh si rih lo. UK cozah nih Ambassador caah a cohlaanmi minung pawl an i tel ruangah hlathlainak tuah ding in thawngthanhnak kan tuah cang hna tiah Myanmar kong he pehtlai in rianttuan tu project pakhat nih cun an chim.

Hi Project hi Myanmar Ambassador umnak inn ralhraang kut tang rianttuan tu pawl nih an tlaih khawh lonak ding caah rianttuan tu an si, American ram ah ummi UN special envoy palai simi U Kyaw Moe Htun thah an timh hnu ah London khua ah ummi U Kyaw Swa Min zong hloh an timhnak si kho men, a ruang cu ralhraang phu nih mah bantuk thil an rak tuahmi hi tampi a um cang.

Chin 24seven

Be the first to comment

Leave a Reply

Your email address will not be published.


*