U Thein Aung Hi A Sual Kho Taktak, A Rannak In Hriamtlai Phu Nih An Thah A Hau Cang

U Thein Aung Hi A Sual Kho Taktak, A Rannak In Hriamtlai Phu Nih An Thah A Hau Cang
============
Mandalay ramthen, Pyawbwe pengkulh, Yan Aung khuapi Ohsuh lei nawlngeitu U Thein Aung nih Yan Aung ohsuh khuate pawl lothlo riantuan mi hna sinah cinthlainak lei phaisa cawimi cu nan pek dih cang lai, tiah an ti hna. Cinthlainak lei tangka pek ding caah Administration lei nawlngeitu le ralhrang pawl i bawmh in mipi pawl cu an thihphaih hna, tiah thawngtheih a si.

Lothlo riantuantu cinthlainak caah phaisaw cawimi liam dingah phaisa an hal hna. July 10, 2021 ni nan pek hrimhrim lai nan pek lo ahcun a ngah lo, tiah ralhrang phu le Twe-oh lei nawlngeitu U Thein Aung nih meeting an auh hna nak ah an chimh hna hlei ah meeting chungah hriamnam zong an piah hna i, an thihphaih hna tiin khuami pawl nih an chim chap, a poi taktak.

Hi tluk in Kawlram buaibai lio ah zeitin dah kan pek lai. Covid-19 zawtnak ruangah mipi harsatnak kan tong cio le a dih hlan ah ralhrang nih uknak hramhram in an lak than tikah a har chinchin cang. Hi cinthlai nak lei phaisa cawi mi hi cham ding zong phaisa a um lo, kan tiksa kan lak lawngah pek a hau lai, tiah Yan Aung khuapi ohsuh chung lothlo mi khuami pakhat nih Ayeyarwaddy Times sinah a chim hi a si.

Pyawbwe pengkulh, Yan Aung pengkulh Twe-oh lei nawlngeitu U Thein Aung hi U Thein Sein cozah chan lio zongah Twe-Oh rian a rak tuan bal cang, tiah Pyawbwe pengkulh mipi sinin thawngtheih a si. Pyawbwe pengkulh, Yan Aung khuapi Takne Pin su, Kok Ka Kha La, Kaing khua hna an um i, inndawng dihlak ah 1700 leng an si, tiah theih a si. cherrypar

Be the first to comment

Leave a Reply

Your email address will not be published.


*