Uar A Um Kho Tuk E : Ralhrang Minung 40 Bak Cu Zeihmanh Hriamnam Hau Lo Tein An Nunnak A Lak Hna

Mah bantuk thinlung put hi cu Pasal ttha taktak khi an si ko. Mah tluk in kan ram sualnak ngei lo mipi a thah tu Ralkap pawl cungah a tuah ngam mi hi cu Upat lo awk a ttha hrimhrim lo uar a um kho taktak si, thih le thih nun le nun ti bak in thil a tuah mi hi philh awk hrim a ttha loh. Sagaing ram Mawlite timi khua ah Mawtaw mawngpa pakhat nih amah nunnak pek bak in ralhrang minung 40 renglo athah hna. Hi bantuk pasal ttha ruahnak a kaumi hicu uar lo awk le upat lo awk a ttha hrimhrim lo. Ralhrang nih lampi ah a mawtaw cit dingin an hal, an ti bantuk in minung 40 renglo cu amawtaw cungah an cuang.

Culio ahcun hi pasal tthapa nih hin amah nunnak pek in lam thlang ah azuan pi dih hna caah ralhrang minung 40 renglo cu pakhat hmanh tanglo an thi dih. Mah nunnak zawn hmanh ruahlo in hi bantuk ram mipi a thattu pasal ttha hi philh khawh asi ti lailo. Uar aum kho taktak bak si.

thawngpang dang relchap : Nungak/Tlangval Le Nuva Karlak Ah Thennak Tiang A Chuahpi Colh Khotu Chim Bak Lo Dingmi Bia (7) Hi Rak Theih Ve Hrimhrim

Nungak tlangval karlak ah i duhdawt tuk ko bu in bia kaakhat te ruang ah aa then thai mi mitam i an um caah biachim lo ding le chim ding hi theihcia ah a tha . Chin lo ding chimsual ruang ah i then le duh dawt mi nih kal tak cu a hohmanh nih duh cio a si lo .

1.Zeihmanh a si lo : Na darling nih bia pakhat khat kong ah theihfian a duh i an hal tik ah zeihmanh a si lo cuh va ti hrim hrim hlah. Cu nak in a tha deuh mi cu a sining kha fiang tein hei theihter law hei chim ve ko . Bia hal tik ah mi thenkhat cu bia na duh ah tiah thintawi in tha tein leh a hmang lo mi cu an darling le nih sau an um pi kho hna lo i an kal tak theu tawn hna ti a si .

2. Mawhchiat nak bia chim hnawh lengmang hlah : Zeitik poah na tlai zungzal , na taw a rit tuk a si na si loh ti bantuk in a mah tlinlo nak kha mawhchiat nak bia in deng lengmang hlah . A thinlung tein an tih lai i na sin um kha a tlaihchan ti lai lo i a mah a theithiam tu minung sin i kal tak diam kha a poi a ti lai lo . Cu hnu ah cun a rau lai lo i then nak a chuak colh ko lai . Pakhat le pakhat i theihthiam nak tluk a tha mi a um lo .

3.Zungzal ti mi bia hman hrim hlah : “Zungzal” ti mi biafang hi hman lo ah a rak tha . Na ka ti zungzal , na ka buai zungzal , keimah palh ah na chiah zungzal …. zungzal zungzal zungzal ti mi bia na chim hnawh lengmang ah cun a thiltha tuahmi zong kha a huam ti lai lo i , nan pahnih in nan lung ai khat kho ti lai lo i na fuh lo chin chin nak a si lai i a donghnak ah cun i then nak lawng a chuak ko lai .

4.A Min auh ning pakhat peng in au hlah : Min auh ning pakhat hi cu a ho poah nih ngeih cio a si ko nain , cu min pakhat pi lawng cun darling le auh hi a rak fuh lem lo .dawtnak te in auh le thlumalh an duh can a rak tampi ti a si. Cu ca cun thiltha an tuah can maw an in ngaihtuk can ti pawl ah khin dawtnak min te in na thiam ning in hei au ve law a rak i lunghmuih tuk lai.

5.Darling thing min langhter lengmang ti hlah : Thil pakhat khat a chuah tik na darling min kha chim hnawh lengmang hlah. Ka darling thing nih cun kha tin e cu tin e tiah chim hnawh lengmang hlah a thinlung kilne te ah fahnak na rak pek a si i saudeuh ah cun a celh lai lo i then nak a chuak hrim hrim lai , cu ca ah cun kha na darling thing min kha zeitik hmanh ah rak chim hrim hlah .

6.I Then ko u sih : I then nak bia hi nungak tlangval karlak ah bia i el can le i hmuh thiam lo caan ah chim lengmang mi ah a cang . A si nain hi bia hi a rak tha lo taktak mi a si . A donghnak ah cun i then taktak nak tiang a chuahpi kho tu bia a si ti kha philh hlah law chim lo kha i zuam ko .

7.Na theih dih ve a herh lo : Na darling sin i na chim dingmi bia a si lo hmanh ah na theihdih a hau lo va ti hrim hrim hlah .Cunak cun a theihding mi a si lo zong ah lamdang tu kawl law a fian khawhnak ding in chim thiam tu kha i zuam .

A tu kan langhter mi pawl bia-ka hi nai sum lo i na darling sin ah na chim lengmang ah cun a rauh hlan ah nan i then hrim lai . A si lo le ai nuam mi le ai dawmi chungkhar cu nan ser kho lo hrim lai . Cucaah cun hi bia tha lo pawl hi Bible zong nih a duhmi a si lo bantuk in kan darling le zong nih an duh ve lo ti kha thei law hrial khawh i zuam hmanh na dawtmi he nan karlak cu vanram ah na ser khawh ko lai. chinlandtodaynews

Be the first to comment

Leave a Reply

Your email address will not be published.


*