Uar A Um Tuk E : Myanmar Ram ca ah Manny Pacquiao Thlaza a Cam

Myanmar Ram ca ah Manny Pacquiao Thlaza a Cam
———–
Nizan (June 7) zaanlei ah Myanmar ram ca ah Many Pacquiao le a chungkhar nih thlacamnak an ngei. Thlacamnak an tuah hlan ah vawleicung mizapi nih thlacampiak cio ding in sawmnak zong a Facebook ah a tar. “Landmine i lamh ruang ah Masbate ah a nunnak a liammi Kieth Absalon (kum 2) le nunnak tam tuk a liam cangmi Myanmar ramchung ral kong ah nihin zaanlei ah thlacamnak kan ngei lai…mi vialte zong nih Myanmar ram, Philippines le vawleicungpi ah daihnak a um nakhnga thlacam tti hna u sih,” tiah Many Pacquiao nih sawmnak ca a ttial. The Chin Journal

thawngpang dang relchap : MRCS le ICRC Nih Paletwa Peng Ralzaam Umhmun 11 Ah Bawmhnak An Pek

Nikum AA le Ralhrangbu kahdohnak ruangah Paletwa peng Inndong 2000 leng cu Paletwa le Sami ah an zaam. Atu hi an inn le lo an chuahtaknak thla 13 a phan cang. An umnak hmun zong tampi cu a rawh cang caah fur a tlaj ahcun harsatnak tampi a tong ding an si caah MRCS le ICRC nih bawmhnak an pek tiah theih a si.

Paletwa le Sami ralzaam hna kong he pehtlaih in Myanmar Red Cross Society (MRCS) tuanvo ngeitu Daw Aye Aye Nyein nih ralzaam dirhmun in an umnak kum 1 renglo a si cang. Umhmun 11 i an umnak inn tampi a rawk cang. Fur a tlak ahcun um awk a tha ti lai lo tiah a chim.

MRCS le ICRC nih ralzaam inndong 2000 caah tangka le remh than a hau mi inn 1800 caah a herhbau mi hna an pek. Sami ralzaam hmun Ti laknak le bomb kam nak hmun ah a um mi pawl cawnpiak nak le ralrin ning zong ngei piak a si.

ICRC hi MRCS hi nikum in hmun dang dang ah a um mi Chin ralzaam pawl zohkhenh le a bawmtu an si. Buainak a tong mi chungkhar hna cu thleidannak um lo tein MRCS he kan zohkhenh rih hna lai tiah ICRC Chin ramkulh rian ngei tu Olivier Dorighel nih a ti. Credit: The Chin Post

Be the first to comment

Leave a Reply

Your email address will not be published.


*