Uar Na Um Tuk E : Mai Van Sui Mawi Nih Lairam Oxygen Cawknak Ding Caah Phaisa Tam Tuk A Kuat Hna

Mai Van Sui Mawi nih Lairawn Oxygen cawknak ding caah Ks. 420,000 a hlut: Taungphila nungak muidawh a si mi Mai Van Sui Mawi nih Lairawn Oxygen cawknak ding caah tiin MMK 420,000 (Tingli le thawngkul) a hlut timi thanwg kan theih cu lawmh a um kho taktak. Mino te a si, hi bantuk in mipi kan herh taktak mi amah ca hmanh ah i chiah lo in mi nunnak caah a si ning ngeichun a hlut mi hi zohchun le upat a tlak ngaingai. Bawipa nih thluachuah chin ko seh.

Kan miphun pi bomnnak kutza samh dingah kan in sawm rih ko hna. Awnmawi Zuun Help Team, S. Hulian (Aizawl) +918575301313, Ukpi (Tahan) 09774421442, Van Lian Thang (Yangon) 09789343577, Thian Nei (Singapore) 81133207, Laate Hlawnmual (China) +8613682519223

thawngpang dang : Ralhrangbu cu an Fah tuk cang caah Mipi cungah lei An Rul tiah KWAT nih a Thanh
==================================
Ralhrangbu hi Kachin ram ah an fah tuk cang caah lehrulhnak ding caah a phunphun in mipi cungah an tuanmi a si tiah Kachin Women Association of Thailand- KWAT nih June 16 ah report he an thanh.

Hi kong he pehtlaih in KWAT chungtuan Daw Mun Nay Li nih “ralhrangbu nih nawlngeihnak an lak hlan in kan ram ah nuhrin covo an buar mi a tamtuk cang. Uknak an lak hnu chinchin cu zei poh anmah kutchungah a tla. kan duhning in zei poh kan tuah khawh ti phun in an um caah mah report hi kan chuah mi a si” tiah a chim.

KIA nih March 25 ni ah ralhrangbu sakhan Alaw Bum an lak hnuah lehrulhnak ah Moemauk peng khua le inn hna meithal ngan in an kah caah khuami 6000 hreng lo an zaam. Myothit, Kunglaw ah 9 an thih pin ah hngakchia tel in minung 15 hma an pu.

Myintkhyina, Moenyin, Kanmai peng mino hna cu KIA he nan in pehtlaih tiin an tlaih, an hrem hna, khuami inn le lo an hrawhpiak hna tiah report nih an langhter. Mah bantuk a si bu in ASEAN meting zong an kai kho. NUG cozah tu hi vulei nih pom seh ti kan duh. Ramdang nih meithal cawk zong a kan phih piak ding le ram kahdohnak ah vanlawng hmannak nawl zong khap piak le No Fly Zone zong tuah piak dingin kan nawl hna.

Harsatnak a tong cuahmah mi ralzaam le mipi zong bawmhnak tampi kan herh tiah Daw Mun Nay Li nih a chim. Thai ram um Kachin Nu bu- KWAT hi 1999 ah Thailand, Chiangmai ah dirhmi a si i, Kachin ram chung thil a cang mi Nu hrin covo le ralhrangbu nih mipi cungah an sualnak pawl a langhter tu bu an si. Ref; KNG, KWAT

Be the first to comment

Leave a Reply

Your email address will not be published.


*