UN Meeting Onnak Ah U Kyaw Moe Tun 

September 14: UN Meeting Onnak Ah U Kyaw Moe Tun

 

 

A voi 75 nak UN General Assembly meeting pi cu Sept 14, tuni in thok a si cang. Tuni cu meeting onnak le zeidangdang in caan an hmang deuh.

 

UN chungtel cohlantu Committe ah aa telmi ram hna thanhnak an ngei kho. Credentials Committee ah cun US, China, Russia, Bahamas, Butan, Chile, Sierra Leone, South Africa le Sweden hna an si.

 

Credentials Committee meeting hi November ah tuah dingin timtuah a si. Cutik lawngah UN nih SAC maw a cohlan, NUG dah a cohlan timi kha vawleipi theih in phuan a si te lai. Tutan meeting i an ceih zongah thanh a si rih lai lo. November i Credentials Committee Meeting khawh lawngah thanh a si lai.

 

Credentials Committee Meeting biachahnak a fian hlan chung cu UN Meeting ah SAC palai kaiter lo dingin US le China hnatlaknak an tuah cang.

 

Tuni Meeting onnak program ah NUG palai U Kyaw Moe Tun zong a kai. SAC palai bel a bau ruangmang ko.

 

 

Adang:  CDF- Kanpetlet Le Ralhrang Kahdohnak Thawngthanh

 

 

Sept 14, 2021, cawn nihnih ni zinglei 10:00am in Saw-Kantlet karlak ah CDF-Kanpetlet le ralhrang kahdohnak a um i ralhrang lei 10 nak tlawmlo an thi, hliamtuar an tam ngai.

 

CDF-Kanpetlet lei hliamtuar le a thimi an um lo, tiah theih a si. Kahdohnak hi a fak chin khomi a si caah mipi hna nih Saw-Kanpetlet karlak ah umkal lo dingin CDF-Kanpetlet nih an thanh.

 

 

The Chin Post

Be the first to comment

Leave a Reply

Your email address will not be published.


*