Upat Awt Tlak Taktak Na Si : Chin lengdawh 👉Mai Theresa Nuam Nih Kalay Oxygen Cawknak Ah Phaisa Tam Taktak A Hlut

Kalay Oxygen Leinak Ding Hrangah Lunghawh khua ih um, Pu Khawm Za Ve le Pi Zun Vum teih Fanu, China ih um Chin lengdawh 👉Mai Theresa Nuam cun Mmk 1,153,000 (ting 11 le thawng 53) ka hnenah a thawh a si. Hivekih miphun duhdawtnak thawi a thawhmi hi a sunglawiin a ropi tuk rori.

Pathianin mi tampi bawmtu dinhmunah lo khaisang vivoin hrilselnak le lungawinak thawn hlawhtlinnak lo pe vivo hram sehlaw. ✍️Nan peknak pawl ka hmuh tikah ka lung a hno, lungawinak in ka khat. Nanmai ruangah Pathian hnenah lungawithu sim ka bang lo. Salai BC Cuan

thawngpang dang relchap : GOOD NEWS : NUG Cozah nih Teinak Hmuh hram Ai Thok Cang

June 21 in July 13 tiang tuah dingmi a voi 47nak united nations human rights Council meeting ah SAS ralkap an sawm ve hna lo cu NUG caah teinak an co kho men ti zongah theih a si. SAC ralkap nih hin kawlram cozah aiawh tu dirhmun in ram picang pawl cohlannak le theihthiamnak beisei in boruak cu a cuan len nain a voi 47nak World Health Organization meeting zongah siseh voi 109nak International Labour Organization meeting zongah kawlram cozah aiawh tu dirhmun zongin sawmnak an hmu lo.

Cucu vawlei cung ram dihlak deuhin i telnak UN. WHO. ILO he ai bawmmi hna nihhin rampi aiawh tu ah an cohlang lo ti he khin ai lo hnga. Myanmar mipi cozah tiin ruahmi NUG zong cu meetingah cun an sawm lo nain SAC ralkap pawl an sawm lomi hna cu kan nih caah cun teinak kan hmuh kho men ko tiah NUG union Minister U Aung Myo Min nih cun a chim.

Amah nih cun Myanmar aiawh dingin sawmnak kan dong lo nain kan sung ti hrimhrim in kan i ruat lo. A tuah rampi aiawh tu dirhmun in SAC ralkap pawl sawmnak an hmuh lomi hi cu kan nih nih cun teinak kan hmuh ti zongah chim khawh a si. Vawlei cung huap ram pawl nih hin SAC ralkap nih thilsual an tuahmi hi an theih dih.

Cu ruangah Myanmar cozah dikah hohmanh nih an ruat kho lo tiah a chim. Ram pi nawlngeihnak cuhtu rampi nawlngeihnak kilveng chungtu ti kan kawh a si zongah cozah dik dirhmun cun hohmanh nih an cohlang kho lo ti hi a fiang taktak tiah a chim.

Be the first to comment

Leave a Reply

Your email address will not be published.


*