US nih Min Aung Hlaing Nupi le Daw Thet Thet Khaing Dantatmi Cazin ah a Khumh hna

US nih Min Aung Hlaing Nupi le Daw Thet Thet Khaing Dantatmi Cazin ah a Khumh hna
———-
SAC ralhrang he aa pehtlaimi minung 15 le company pathum cu July 2 ah US nih dantatnak a pek hna i cu chung ah cun Min Aung Hlaing nupi Daw Kyu Kyu Hla le PPP party haotu Daw Thet Thet Khaing zong an i tel. Atutan dantatmi minung 15 lak ah minung 8 hi ralkap chungkhar (an nupi/fale) an si hna i, a dang minung 7 hi SAC he pehtlai in rian a ttuanmi rammi pawl an si hna.

Daw Thet Thet Khaing cu NLD in a chuah hnu ah People’s Pioneer Party (PPP) a dirh i, 2020 thimnak ah an i cuh nain tthudan an hmu lo. SAC nih NLD kut in uknak a chuh hnu ah Daw Thet Thet Khaing cu Social Affairs Minister rian tlai ding in an sawm i, a cohlan. A cunglei minung 15 pin ah SAC he aa pehtlaimi company pathum (Myanmar Wanbao Mining Copper Ltd., Myanmar Yang Tse Copper Ltd, King Royal Technologies CO. Ltd.) zong dantatnak pek an si. The Chin Journal

Be the first to comment

Leave a Reply

Your email address will not be published.


*