Very Good : Gangaw In A Zaam Mi Uico Pawl Cu Kalay Defense Pasaltha Nih An Kah Than Hna

Anti-coup protesters line in formation with homemade air rifles during a demonstration against the military coup in Yangon, Myanmar, Saturday, April 3, 2021. Threats of lethal violence and arrests of protesters have failed to suppress daily demonstrations across Myanmar demanding the military step down and reinstate the democratically elected government. (AP Photo)

Nihin zaanlei ah Kalay-Gangaw karlak raldohnak, Yaw PDF le Kawl Uico Ralkap i kahnak hnu in, hnu ah a tolh tthan mi Uico Ralkap pawl cu lampi ah Kalay mipi hriamtlai phu a simi Kalay Region Defense Association nih an kah tthan nolh hna.

Nihin zaan lei suimilam 2:00PM hrawng ah khan Kalay-Gangaw lam, Nankha le Ye Hla pawng ah Kawl ralkap motor (4) cu Yaw PDF nih an kah hna. Kaphnih karlak kahnak zeimawzat a chuah hnu, zaan lei suimilam 4pm ah khan Kawl ralkap pawl cu hnu ah an tolh i Kalay lei ah an kir. Cu an kir pah ahcun lampi ah Kalay mipi hriamtlai hna nih an rak kah ve chap hna hi asi.

Gangaw in Kalaymyo lei ah a rak kir tthan mi, a rak zaam mi Kawl ralkap pawl cu lampi ah kan mah KRDA nih kan kah hna. Kan mah lei in hliamtuar le a thi mi pakhat hmanh kan um lo. An mah Ralkap lei in a thi mi le hliamtuar an um maw timi tucu fehternak kan tuah kho ve rih lo tiah KRDA nih cathanh an chuah hi asi.

Nihin Yaw PDF le Kawl ralkap karlak kahnak ah Ralkap lei (5) an thi. Cun motor pakhat zong Yaw PDF nih an khangh piak hna. Ralkap pawl cu Namchan ngai in Kalay lei ah an kir, an zam nain lampi ah KRDA nih an rak phomh nolh hna hi asi.

Thawngpang dang : PPST Nih Ralhrang Khawngsil He Biaruah An I Timhnak Biathli A Puang Ai
==================
NCA ah hnatlaknak min a thumi tlangcung hriamtlaibu 10 hna nih dirhmi Peace Process Steering Team nih ralhrang khawngsil he biaruah an i timhnak biathli a puang tiah theih a si.
Cu biathli cu PPST nih May 28 ah ralhrang khawngsil nih a sermi remdaihnak tuahtu bu hotu Bochohci Ya Pyih sinah an tialmi a si. NCA kongkau ti a si.

Ralhrang khawngsil remdaihnak tuahtu bu hotu aiawh in Bochohci Min Nawng nih minthut in May 19 ah a kan kuatmi ca kan hmuh, SAC nih NCA hnatlaknak kan cohlan lai nan ti caah kan i lawm, tiin bia an thok.

An ca chungah cun atu lio a cang cuahmahmi ramchung buainak hi SAC ca zongah siseh, tlangcung hriamtlaibu hna caah siseh, ramkhel party le mip ca zongah siseh, aho ca hmanh ah hlawknak a um lonak le ramkhel boaruak a daih deuh poah ah a that chinchin nak kong an tial.

Myanmar buainak ruangah ram cheukhat nih timhmi ngei tein an i thlakmi an duhlonak le an i thlakmi khamnak dingah cun kanmah he kutlaih in a tuan khotu ding rammi hna kha zulhphung le rikhiahmi chungin sawmnak tuah i tuanti kha a tha bikmi a si tiah PPST nih an ruahnak an tialchih fawn.

Cu ruangah SAC le PPST cu a rannak in i ton i biaruahnak ngeih ding le PPST nih cathanh chuah an i timhnak kong zong an ca chungah cun an tial. Hi ca hi mipi nih tuahmi Spring Revolution zeirello, hnuchit a si tiah min chim a duh lomi tlangcung hriamtlaibu hruaitu pakhat nih a chim. Hi ca hi zeibantuk bu le aho hruainak in tial a si ti an langhter lo i PPST ah aa telmi hriamtlaibu 10, an dihlak lungtlin in an tialmi maw a si ti zong theih a si rih lo. The Chin Post

Be the first to comment

Leave a Reply

Your email address will not be published.


*