Very Good : Nizaan Hakha le Falam kar kahdohnak ah SAC phu 6 hmunril in an thi, 10 leng hliamh

Nizaan Hakha le Falam kar kahdohnak ah SAC phu 6 hmunril in an thi, 10 leng hliamh
==============================
May 16, 5:30 pm in 8:00 pm tiang Hakha le Falam kar, Chuncung pawng kahdohnak ah SAC phu in 6 hmunril in an thi i 10 leng CDF, Hakha nih an hliamh hna. SAC phu nih hriam ngan an hman ca ah CDF lei in Salai Van Biak Ling a thi ve, tiah CDF nih a thanh. The Hakha Times

Chinland Defense Force_ Hakha ခုခံကာကွယ်မှု သတင်း
==========================
ချင်းပြည်နယ်၊ ဟားခါး-ဖလမ်းကြားတွင် CDF-Hakha နှင့် အကြမ်းဖက် စစ်ကောင်စီ သူပုန်တပ်ဖွဲ့များ ၁၆ မေလ ၂၀၂၁ ညနေပိုင်း ၅:၃၀ နာရီမှ ၈ နာရီကြား ပစ်​ခေတ်တိုက်ခိုက်မှုရှိခဲ့ပြီး စစ်သူပုန်ဘက်မှ ၆ ယောက် ပွဲချင်းသေဆုံး၊ ၁၀ ယောက်ကျော် ထိခိုက် ဒဏ်ရာ ရရှိခဲ့သည်။ ရန်သူတပ်ဘက်မှ အဆမတန် လက်နက်ကြီး (RPG ၊ ၆၀ မမ စသည်)များဖြင့် ပစ်ခေတ်​​သောကြောင့် CDF-Hakha ဘက်မှ သူရဲကောင်းတစ်ယောက် ဆုံးရှုံးခဲ့ရသည်။

thawngpang dang : A Caan A Tling Dengmang Cang : Hriamnam tlamtling ding in kan i timh lio a si tiah NUG nih mipi sin ah

Hriamnam tlamtling ding in kan i timh lio a si tiah NUG nih mipi sin ah a thanh. PDF hriamnam tha tling tein pek khawh dingah a timh cuahmah lio a si tiah NUG Prime Minister Mann Win Khaing Than nih nihin May 16 NUG dirh thla 1 tlinnak ah a chim.

A mah belte cu Modern ralkap si ding le Mipi tha tein a kilveng kho mi ralkap si dingah caan zeimawzat kan herh tiah a ti. “Modern ralkap bu dirh dingah raltuk thiamnak, i thit hruai ning thawk in a herh mi vialte tha tein cawn, ralkap thazaang, hriamnam thazaang tling tein kan i timtuah lio a si caah a herh mi caan pakhat kan herh ti cu mipi vialte nih nan theihthiam lai ti ka zumh” tiah Mann Win Khaing Than nih a chim.

Cun, Mindat mipi hna kan kilveng khawh lo caah ka ngaihchia ngai, ralhrangbu a doh tu Mindat pasaltha hna le ramchung mipi vialte kan upat hna tiah a chim. “NUG nih Mindat Mipi harsatnak an ton lio mi hi kutsih in kan zoh mi si loin Mipi an zaang awl nak ding caah le Mindat Mipi kan bawmh khawh nak dingah ramdang bu le Cozah hna sinah chawnhbiak nak kan tuah i bawmhnak zong kan hal hna.

A hmun ah a um mi mipi he zong pehtlaihnak tuah in bawmhnak rianrang in a phak khawh nak dingah kan tuah cuahmah lio a si” tiah a ti. Mah biacah hi Nihin May 16 NUG an dirh thlakhat tlinnak ni cam tuak ah NUG Prime Minister nih Mipi sin online in biacah nak a ngei. The Chin Post

Be the first to comment

Leave a Reply

Your email address will not be published.


*