WHO Nih COVID Mizaw Hmasa Hna Data Tling Tein Thanh Dingin Tuluk A Nawl

WHO Nih COVID Mizaw Hmasa Hna Data Tling Tein Thanh Dingin Taluk A Nawl

WHO nih covid dohnak kongah zawtnak a rak chuah ning cu fiang tein theih a herh ngai mi a si caah Wuhan i coronavirus zawtnak an hmuh hmasa mi hna data cu tling tein langhter dingin Taluk sin ah a nawl.

WHO nih coronavirus a rak chuah ning zohfel dingin mithiam rual (scientist team) Taluk ah thlah ding kongah Taluk nih caan saupi a khamh hnuah tukum January thla ah khan sianh an si i, March thla ah an report thanh a si.

An report nih a langhter ningah covid-19 zawtnak a rak chuah ningin hi Saram a si lo ah papalak in a chuak mi a si theo lai tiah ruah a si i, fiangfai in biachahnak an ngei kho lo.

Mah report hi Taluk sienctist hna he tuahmi a si caah zohfelnak hi a voi 2 nak tuahthan dingin timh asinain, Taluk nih atu tiang cu a duh rih lo caah WHO nih Taluk sin ah virus data vialte theih in thanh dingin a nawl.

Hi kong he pehtlaih in WHO hruaitu Tedros Adhanom Ghebreyesus nih thla hmasa ah khan coronavirus an chuahnak kongah Taluk laboratory hna zohfel dih dingin a ti. Amah belte cu Taluk nih covid-19 hi an lab in a chuak mi a si timi cu a lungtling lo ngai.

A voihnihnak zohfelnak ngeih than ding kongah ramdang hna zong zohfelnak ngei ve dingin an kan ti tiah a chim.

Kum 2019 kum donghlei ah Taluk ram Wuhan khuapi ah hmuh hmasa mi covid-19 ruangah vawlei cungah nunnak a liam mi hi minung nuai 4.3 leng an si cang tiah Aljazeera news nih a tial.

Ref; Aljazeera
The VChin Post

Be the first to comment

Leave a Reply

Your email address will not be published.


*