Yangon Ah Dalan Pical Pakhat An Thah Hoi

Yangon ah dalan pical an thah hoi. Yangon ramthen Tinkankyun myone ah Kawl ralkap lei tang dalan pical pakhat an thah hoi. Yangon ramthen Tinkankyun myone ah Kawl ralkap sinah thawngpetu a simi cu nihin June 29,2021 zing ah khan meithal in an kah i a nunnak a liam tiah theih a si.

Ko Sein Hlaing Win ( kum 38 ) cu nihin June 29,2021 ni ah Tingkankyun myone dawr chung ah a nupi le an kal lio ah meithal in an kah i a nunnak a liam tiah mithmutu pakhat nih Myanmar Now sinah a chim.

Kawlram lei ahcun dalan hi an luat ter bak hna lo. An thah thluahmah ko hna. Nihin ah an thah mi U Sein Hlaing Win zong hi ralkap lei ah a tangmi a si. Mipi cawlcanghnak ralkap sinah report a petu a si. Cu pinah mipi kha dalan tuan ding a kawlpu puaisa zong a si.

A tu bantuk in meithal in an kah thah caah mipi an hnangam deuh nagi cang. A mah ruang ahhin ralkap nih minung tampi an tlaih cang hna. A tu cu a thi ve cang.

Be the first to comment

Leave a Reply

Your email address will not be published.


*