Yangon Ah Peng Cheukhat Mei Man A Pe Lo Mi Cu Ralhrang Nih Mei Hri An Chah Piak Hna

Yangon Ah Peng Cheukhat Mei Man A Pe Lo Mi Cu Ralhrang Nih Mei Hri An Chah Piak Hna Yangon khua chung Kamazuat(ကမာရြတ္)North Dagon( ေျမာက္ဒဂုံ ) le Dagon Saitkan(ဒဂုံဆိပ္ကမ္း ) telh i peng tamdeuh veng cheukhat cu nihin July 6 chun ah peng EPC hna nih Saikel in mei man a pe lo mi inn hna cu meihri an chah piak an si.

“North Dagon ah meizung in inn meihri an chah,atu North Dagon Pinlu lampi dihlak 37 veng an chah dih,kan pawng ah a tam deuh cu meiman a pe lo mi cu an chah piak hna i an mei a mit cang tiah” vengchung mi pakhat nih a chim.

“Mei man pek lo ruangah innkhat hnu innkhat meihri chah piak asi.EPC nih 58 veng Dagon Saihkan zongah, veng zung zongah meiman pek ding in an chim fawn tiah” an chim chap. Kamazuat peng,5 veng chungah Phayia lam chung ah ralhrang EPC riantuan hna nih innkhat hnu innkhat meiman pek dingin an fial hna,meiman a pe lo mi inn cu Fuse kan chiah lai ti’n an tlerhkhonh hna caah meiman a pe mi zong an um,Kamazuat peng 6 veng ah meiman pe lo mi inn hna cu meihri an chah piak hna tiah theih asi.

Mipi hna nih ralhrang duhlonak langhternak caah ngunkhuai pek lo dingin NUG meilei tuanvo ngeitu nih a thah i mipi nih meiman pek a hau lo ahal tu hna zong an um asi ahcun rampi a rawitu cazin ah telh nan si lai tiah an rak thah. The Chin Post

Be the first to comment

Leave a Reply

Your email address will not be published.


*