Z U A L K O : Chin Kan Unau Covid-19 In Nihin Chun Ah Khan A Kan Liam Tak E A Poi Hringhran Ko Mu

Pu PC Lalremmawia(42), Model Veng, Aizawl leh a nupui Pi Matluangi chuan an fanu Candice Malsawmzuali (6yrs) thisen cancer chu kumin march thla khan CMC Vellore-ah an hruai a. May thla khan an chhungkuain covid-19 natna an kai ta si a. An fanu chu hospital-ah chemotherapy lain mi tlawmngai ten an hruai sak thin a ni.

Hetih lai hian pa ber chu a nat zual zel avangin CMC hospitalah ni 19.5.2021 khan admit niin 24.5.2021 khan ICU ah dah luh a ni. Doctor ten a nunna chhan tuma theih tawp an chhuah laiin Pu Maremmawia chuan ni 06.06.2021 Pathianni 11.45 a.m hian min lo boral san ta a ni. Vellore-ah hian an fanu cancer vei tân damna beiseiin an kalpui a, heti hian pa ber chuan Covid-19 avangin min peih loh san ta mai si a.

An khawngaihthlak chhungkua tak zet a ni. An fanu Candice-i hi treatment la mêk anih vangin an nufa hian ruang an rawn zui thei dawn lo niin hriat a ni. A ruang hi Aizawla rawn phur chhoh turin buaipui mêk a ni e. Pu Maremmawia hi Lawyer/Advocate a ni a. Mission Vengthlang leh Model vengah Zonet Distributor a ni bawk. CL Nunnema

Be the first to comment

Leave a Reply

Your email address will not be published.


*