Zaangfak Tuk An Si Ai E : Thla 3 Chung Kheng Te An Duh Poah In An Hrem Hna Hnu Ah Thong ah An Khumh Hna

A luan cia mi march ni 9 ah Tanintari, Baik ah lamzawh an i timh lio ah ralhrangbu nih an kulh hna i mino 70 leng an tlaih mi hna chungin minung 32 cu thla 3 chung an tlaih, an hrem hna hnuah thong an thlak hna tiah theih a si.

Thong an thlakmi hna 32 chungin 28 cu pohmah 505(A) le 145 in thong kum 2 le midang pahnih hna cu pohmah 505(A), 145 le 286 in thong kum 4 cio thawng thlak dingin ralhrangbu biaceihnak zung nih June 8 ah biachahnak a tuah.

An tlaih mi hna cu Baik vanlawng ralkap umhmun ah an kan kalpi hna i “ကမ္ဘာမကြေဘူး၊ စစ်အာဏာရှင်အလိုမရှိ lam zawh au-hla hna cu khup bil in a tule tu an kan sak ter pah in စစ်ခွေးဆိုတော့ ကိုက်တတ်တယ် tiin fung, tipep le taisawm hna hna in an kan tuk, an kan velh tiah a rak luat mi pakhat nih a chim.

March 9 ni Baik ah an tlaihmi hi minung 70 chungin 32 hi thong an thlak hna hi asi. AAPP nih a thanh ningah February 1 in June 9 tiang ralhrangbu kut in a thi mi 889 le an tlaih mi 6000 leng an si cang. Crd: The Chin post

thawngpang dang relchap : Sahrang Hna Nih Hramram In Paletwa Mipi Sianginn An Kaiter Mi Hna Cu Ngolter An Si Cang

Chinram Sianginn Kai an Tam Biknak Paletwa Peng ah Sianginn an Khar Dih Than.SAC nih a onmi sal fimcawnnak tang ah Chin ramkulh chung ah sianginn a kaimi an tam biknak Paletwa peng ah June 9 thawk in sianginn an khar dih tthan, tiah ttuanvo ngeitu sin in thawng kan theih.

Paletwa ah COVID-19 mizaw 7 an hmuh hna hnu ah sianginn pawl khulrang in an kharter dih colh hna hi a si. Sami khua High School sayagyi Van Thawng nih, “Paletwa ah COVID-19 a ngeimi minung 7 an hmuh hna i cacawn nithum ni thawk in sianginn a kan kharter dih,” tiah The Chin Journal ah a chim.

Chin ramkulh huap in Paletwa peng ah sianginn a kaimi an tam bik nain a kaimi siangngakchia tam deuh hi Primary (မှုလတန်း) siangngakchia deuh an si hna. Sayagyi Van Thawng nih, “Sami ah cun Primary siangngakchia hi tam a kaimi an si. Middle le High School siangngakchia cu an tlawmte.

Ahlan he cuaichunh ah cun siangngakchia 45% hrawng lawng sianginn an kai. Sayate zong an kai lo caah a chambau ngai,” tiah a chim chap. Zei tik ah dah Paletwa peng chung sianginn pawl on tthan an si laimi timi kong he pehtlai in nicaan khiah a um rih lo. Credit: The Chin Journal

Be the first to comment

Leave a Reply

Your email address will not be published.


*