Ziangruangah Bible hi kan siar ringring a țul?

Ziangruangah Bible hi kan siar ringring a țul?

Hlan ahcun Leitlun thuthang siar le ngai hi kan rak hiar in ngai khal a nuam kan rak ti. Asinan tuih kan ram dinhmun zoh tikah riahsiatza thuthang in a khat. Leitlun hmun dangdang khal ah buainak le thihnak cu a um veko nan, tulai kan ram dinhmun le thil thlengmi pawl zoh tikah kan tuar cuang maw ti ding khop in harsatnak phunkim in kan khua le kan ram in cimbuai.

Tulai thuthang zoh tikah kan ram ih thlengmi vansiatnak pawl hi in theihter thei ko nan ziangruangah hivek thil a thleng timi cu thuthang hin in sim taktak thei lo. Ziangruangah leitlun ah hivek thil a thleng timi in sim theitu umsun cu Pathian Thu (Bible) lawng hi a si.

Asinan leitlun thuthang hi kan ngai lo ding, kan siar lo ding tinak lam si loin leitlun thuthang kan theih țheumipawl hi țhumawknak tlak an si lo ka ti duhnak sawn a si. Kan nih hrangih țhumawknaktlak umsun cu danglam dah lo, kumkhua ih a hmun ringring dingmi Pathian Thu lawng hi a si.

Leitlun thuthang lawng siarlo in Pathian Thu (Bible) khal hi siar uhsi. Cumi cun țihphannak ihsin hnangamnak lamzin ah in hruai ding asi.

Credit – N. Cung R. Philemon

Be the first to comment

Leave a Reply

Your email address will not be published.


*