Zual Ko : A Fak Tuk E Pu Run Kung Nih Mual A Kan Liam Tak E

Tulio hi mitthi nichiar ti awk in kan nei. Atu zong Pu Run Kung(David Pa),Kum 48 Church of Christ, Taungzalatt, Kalay nih nihin June 26, 11:45 ah mual ah mual a kan liamtak than. Bawipa nih tantakmi chungkhar daihnak pe hram ko seh. Apoi tuk hringhran.

thawngpang dang relchap : Ralkap Ruang ah An Fanu Dawtte A Thi , Hringtu A Pa An Tlaih Rih

June 19 zaanlei ah Shan state Kayaingtong khua i ummi patungno pakhat Ko Than Soe Aung nih a fa nu cu lam a len pi.Cycle in lam cu an leng i a kut khatlei in cycle cu a mongh i a kut khatlei in a fa nu cu a tleih pah. A fa nu cu kumkhat le thla 6 a si i a min cu Ma Moe Thandar Aung a si.

Cu lam an len lio takah cun an khua bawi le ralkap pawl motor 3 bakin an khuachung cu an rak hel ve. Sufumar veng chungah an i tong thut i ralkap pawl nih cun an dum hna. Ralkap pawl nih cun bia hal duhin kan dir ter i a dir duh lo caah kan dum tiah an ti. Cu tikah motor cun an dawi i an pah caah Accident in a fa nu cu a thi tiah theih a si.

Cycle cung i a dir mi a si caah a thla i a lu cu tlakrawh ah fak tukin a vai su. Sii zungah an tlik pi colh ko nain a lu hma cu a fah tuk caah tuar kho loin a thi. A pa Ko Than Soe Aung tu cu tlawmpal te lawng ai khawng. Ralkap pawl nih Ko Than Soe Aung lehlam cu ralkap motor na pah an ti i case an tuah piak caah an tleih.

Asinain a fa nu ruak vuinak ah cun an kal ter ve i a dih bakin an tleihthan.Zeitin dah an ti te lai timi le an chuah colh te lai maw timi cu theih khawh a si rih lo. Sualnak an ngei lo i a fa nu a thih hleiah a mah zong cu an tleih thiamthiam i zeitluk in dah a lungfah lai timi cu ruah piak awk a um taktak.

Be the first to comment

Leave a Reply

Your email address will not be published.


*