Zual Ko : Apoi Tuk E Bomb Puah Ruangah Phun Sang A Nunnak A Liam

Maw vawlei cung duhtlin lonak ram ngai hi e. Zei bantuk thawngpaang chia ko dah kan theih hoi tawn. Tuni Hakha khuathar Bomb puahnak ruangah Tlangval note asimi Pa Phun Sang Chuncung khuami nih mual akan liam tak e. Kan ngaihchiat nak hi zeitik can te khindah ava dam telai mu, tantakmi chungkhar Bawipa tunih tuarkhawhnak inpe hna seh.

Relchih! Cung Pyo Hle Suai (ကျုံပျော်လှေဆွဲ) khua ah hngakchia kum 4 le nunau teih in minung 17 ralhrang pawl nih an thah hna tiah theih a si. Nihin chun suimilam 3 le chau khrawng ah khan ralhrang pawl nih Cung Pho Hle Suau khua cu an luh hnawh hna i kawl hawl nak an tuah tiah theih a si.

Cung Pyo Hle Suai khua ah hin sianginn kai mi an um lo caah khuami hna le ca chimtu sayamah karlak ah i hmuhthiam lo nak a um ruangah sayamah nu nih hin ralrhang sinah khuami nih meithal an thuh mi a um tiah thawngpang diklo a pek hna ruangah ralhrang pawl nih cun inn kip ah kawl hawl nak an tuah tikah mipi lei zong nih an rak khaam hna ruangah i kah dohnak a chuak.

Mipi lei nih a ummi hriamnam poh in an doh ve hna, Ralhrang lei nih hin Sniper le hriam ngan mi an hman ruangah mipi lei in hngakchia kum 4 mi le nunau telh in minung 17 bak an thi tiah thawng theih a si. Khua mipi pawl hna cu an dihlak in anzaam dih i ralhrang nih an hliamh mi hna minung 9 zong sizung i thlp kho loin ramlak ah an zaam ve tiah theih a si.

thawngpang dang relchap : Nihin Zaanlei Bomb Puahnak ah Minung 2 an Nunnak a Liam
————
Nihin zaanlei Hakha Khuathar bomb puahnak ah minung 2 an nunnak a liam, tiah Chin Human Rights Organization (CHRO) nih a langhter. Bomb puahnak a chuah hnu in bomb a puahnak pawngkam minung cheukhat le Hakha khuachung minung 35 hrawng an tlaih hna, tiah CHRO nih a langhter chap.

Nihin zaanlei ah Pa-La-Ka sang uknak lei zung hmai ah bomb puahnak voi khat a chuak ve i, a rawkralmi pawngkam thilri pawl SAC ralhrang nih an thianh hna. Pa-La-Ka uknak zung bomb puahnak ah aa hliammi an um le um lo theih a si lo. The Chin Journal

Be the first to comment

Leave a Reply

Your email address will not be published.


*