Zual Ko : Kalaymyo Ah Fapawi Lio Mi Nu Mawtaw Pahnak In Nunnak Liam

Kalaymyo Ah Fapawi Lio Mi Nu Mawtaw Pahnak In Nunnak Liam. Kalaymyo Sanmyo veng ah nizaan June 14 zaanlei ah, nau zundawn le herhhai cawk ah akal i,a tinlei ah mawtaw pahnak in sii-inn ah a nunnak liam.

Hi thil a cannak hi naupawi mi Pi Lun Boih cu a nu he hngakchia thil an caw i a nu cu an inn ah a va thlah hnu a tinlei ah mawtaw nih a pah hi asi. Naupawi mi nu hi a nicaan a nai cang a rauh hlan ah a then ding asi,sii-inn an phanh pi tikah a pum chung i a ummi nau a nunnak liam cang.

Hngakchia an tawlrel lio caan ah anu zong a nunnak a rak liam cang,Pi Lun Boih cu nauthen dingin timhlamh nak ngeihlio caan ah tu bantukin a nunnak a liam hi asi. Hi a pah tu mawtaw hi a zaam i a tutiang an tlai/thei kho rih lo. The Chin Post

Thawngpang dang : Mipi 25 Thihnak Kong KNDO le Ralhrangbu An I Puh

Karen ramkulh, Myawady, Woele, Kane le Mawkhee khua pehtlaihnak U-hu hlei sak lio mi mipi 25 thah mi ah ralhrangbu nih Karen National Defence Organization (KNDO) an si tiah June 13 ah a thanh.

May 31 ah KNDO le ralhrangbu hna cu Woele pengah fak ngai an i kah caah U-hu hlei sak nak ah rian a tuan lio mi pa 31, nu 6 le hngakchia 10, an dihlak minung 47 cu KNDO nih an tlaih hna.

An tlaihmi hna chungin Pa 6, Nu 6 le hngakchia 10 hna cu KNDO lei nih an thlah than cang hna nain a tangmi minung 25 cu an thih mi kongah ralhrangbu KNDO nih an thah hna tiah a thanh mi hi a si.

Hi kong he pehtlaih in KNDO Brig. Saw Ne Oo nih “mah minung 25 hna hi lam riantuan lem a cang mi ralhrangbu chungtel hna a si. An Uniform he tette dang zong kan hmuh pin ah a thi mi cheuhkhat hi cu ralhrangbu meithal ngan kuan nih a khen hna ruangah a thi mi an si. Cheukhat cu an tlikzaam ruangah KBDO nih kah mi hna an si” tiin fiahternak an tuah. Ref; Irrewaddy

Be the first to comment

Leave a Reply

Your email address will not be published.


*