Zual Ko : Tedim ah Bomb a Puak, Kum 10 Ngakchiapa a Nunnak a Liam

Tedim ah Bomb a Puak, Kum 10 Ngakchiapa a Nunnak a Liam
———
Nihin zanlei sml. 5:20 hrawng ah Tedim khua, Lawibual sang ah bomb a puak i kum 10 ngakchia pate a nunnak a liam. Ngakchia pate hi Lian Muan Sang tiah auhmi a si i, Pu Nang Sian Khai le Pi Niang Khan Cing i an fapa a si. Bomb puah kong he pehtlai in thil sining dikthlir in theih a si lo. Puah thawng an theih i an vung zoh tik ah ngakhcia pate a rilhmi hi an hmuh. The Chin Journal

thawngpang dang : #BreakingNews: Loklung Khuami Ramlak ah an Zaam Dih Hna
———-
Nihin zinglei ah Hakha peng, Loklung khua ah SAC ralhrang pawl an rak phak caah Loklung khuami an zapi in ramlak ah an zaam dih hna, tiah thawng kan theih. Khuachung ah ngandamlo chungkhar pahnih lawng an taang i SAC ralhrang nih inn an khanghmi zong a um tiah a zaammi khuami nih a chimh.

Loklung pastor pakhat nih, “Atu hi ramlak ah kan zaam dih hna. Khua ah cun a zaam kho lomi midamlo chungkhar pahnih lawng an taang. SAC ralhrang nih inn pakhat le motorcycle pakhat zong an khangh. Inn pakhat an bauh i innchung ah rawl an i chuan,” tiah The Chin Journal ah a chim.

Nihin May 19 chuak SAC thawngzamhnak Myanmar Alin nih, “May 17 ah hriamtlai bu pakhat nih Lai meithal pawl in Hakha palik checkpoint an rak kah i Loklung khua lei ah an zaam hna,” tiah a ttial.

Loklung hi Hakha he meng 12 a hlatnak ah a ummi a si i, milu 1,000 hrawng an umnak khua a si.
———————
#Note: [Edited, 3:00 pm, May 19] – Inn an khangh timi kong ah khuami micheu nih inn khat an khangh, inn 3 an khangh tiah a titu an um. Micheu nih kan zaamnak ah meikhupi lawng kan hmuh khawh i inn zeizah an khangh kan theih lo an ti. Cun, inn si loin motorcycle pakhat tu an khangh a timi zong an um ve i, fehter awk a har ngai. The Chin Journal

Be the first to comment

Leave a Reply

Your email address will not be published.


*