Zualko : A Fak Tuk Hringhran Ai E Aw Naute A Neih Nak Ah A Nu Nunnak A Liam

Apoi tuk hringhran ai e aw, vawlei cung ngai hi aw mah tluk duh nung mi te van neih i a nu nih a liam tak ko hi cu a fak tuk hringhran ai e. A Nu zong nih zeitluk in dah a fate a chuah bak in a thih tak hi cu a sia herh tuk ko lai mu.

“Pi H Lalthanmawii(29), Dilkawn khua a si mi cu nihin chun zaanlei sang ah khan, Synod Hospital Durtlangah nau chung a nunnak a liam. An pa hi Ralkap a si i a Ralkap ttuan nak hmun ah a um lio cuahmah a si. Zeitluk in dah an pa ca zongah a va fah lai mu, celh ding bak a si lo e..An pa caah siseh a tantak mi a nule pa le a chungkhat vialte hna caah thlacam nak in bawmh khawh cio zuam hna usih.

Thawngpang dang relchap : Rev. James San Thawm Thang (GBC Pastor) Nih A Kan Liam Tak Cu A Poi Tuk Hringhran Ko E

Zualko: Rev. James San Thawm Thang (GBC Pastor) Nih Nizaan ah khan a kan liam tak e
==============
Atulio Kawlram buaibainak kong lungretheih in mipi kan um cuahmah lio ah hi bantuk thihnak kong thawngpang theih cu theih a nuam lo taktak ee. Rev. James San Thawm Thang hi GBC Pastor a tuan cuahmah lio mi a si. Nihin June 13, 2021 ni suimilam 11:30pm ah Kalaymyo khuapi ah a kan thihtak hi a si. Rev. James San Thawm Thang nih a tantak mi hna chungkhar cingla rualchan vialte Bawipa tu nih hnem hram ko hna seh.

Rev. James San Thawm Thang cu atu lio tlangrai zawtnak in a nunnak a liam hi a si, tiin thawngpang theih a si. June 13, 2021 nikhat chung telah Kalaymyo khuapi chungah Rev. James San Thawm Thang le Rev. France Khenglot nih mual an kan liam tak timi thawngpang theih cu thling a za hringhran ee. Nikhat chung teah Rev. Pahnih nih khua khat ah an nunnak a liam hi a poi hlei chimh ding lam a pit cang ee.

Falam ah COVID-19 in Pu Sui Ceu mual a liam. Falam Peng Locom khuami, Cinmual sang um kum 67 a si mi Pu Sui Ceu cu COVID-19 in June 13, 3:00 pm hrawng ah mual a liam. Pu Sui Ceu cu Falam mino volunteers pawl nih thlaan ah a ruak an vuicolh. Falam khua ah hin June thla chung ah COVID-19 in a zaw mi 54 an um, tiah kan theih.

Taungphila AG Khrihfabu ah Pastor a tuan cuahmah mi le Pathian riantuantu Rev. France Khenglot nih nihin June 13, 2021 ni ah amah a duhdawt biktu le a nunnak vialte nawlngeitu Pa Pathian sinah a din cang, timi thawngpang theih cu a poi kho tuk hringhran ee. Rev. France Khenglot (Evangelist) hi Evangelist minthang pakhat zong a si i, Hakha, Falam, Kalay pengkulh, Tedim le Mizoram tiangah Pathian nih a hman ngaingai mi a rak a si.

Mizoram Aizawl khualipi zongah Pastor rian a rak tuan bal mi Pastor pakhat zong a si. Pa Pathian tu nih a tantak mi a chungkhar le cingla rualchan vialte hnemhram ko hna seh. Rev. France Khenglot (Evangelist) hi Kum 53 lawng a si rih mi mino Pathian riantuan zong a si. Nihin June 13, 2021 ni suimilam 1:30pm ah atu lio zawtnak tlangrai in a nunnak a liam hi a si, tiah thawngpang theih a si.

Rev. France Khenglot (Evangelist) hi Sagaing ramthen, Kalaymyo, Tazangphilar AG Church ah a umnak a si. Taungphilar AG Church ah hin Pastor a tuan cuahmah lio mi a si. Rev. France Khenglot (Evangelist) cu atu lio zawtnak in a nunnak a liam caah an inn ah tinpi loin Thlan hmun lei ah kal pi a si lai, tiah thawngtheih a si. Tulio hi tluk Kawlram buai lio ah zawtnak thalo in kan zawt i kan thi lawng hmanh si loin nupi fale nih duhning in tap khawh lo a fak lai ning hi mu a pam tuk hringhran ko ee.

Be the first to comment

Leave a Reply

Your email address will not be published.


*