ZUALKO : A Fak Tuk Hringhran E An Unau (4) Tein Rallokap Nih Hri in An Thlai Hna

Uico Ralkap nih hramhram in mithah lainawn an puh mi hna Unau (4) cu nihin zing lei suimilam 4:00AM ah khan Hri in an thlai hna i an nunnak a liam cang tiah theih a si. “Aung Myo Linn, Niang Niang, Thaw Zin Niang le Aung Aung hna Unau (4) cu Uico Ralkap nih thih dantatnak kan pek hna tiah kan hnu zarh dongh ah khan MRTV in thawngthanh nak an rak tuah kha nan theih cio cang ko lai”.

Kan hnu zarh ah hringtu anu nih “Fapa (4) ka ngeih hna, an pali ning tein thih dantatnak an pek hna tikah ka vawlei cu a cim ko, ka caah khuaruah khawh mi a um ti lo, ka lungfak, kan ngaihchia i a tuar awk zong ka hngal kho hrim lo tiah a lungfahnak a rak chim len cang kha a si.

“Nihin July 6, 2021 zinglei suimilam 4:00AM bak ah Mithah Lainawn case in taza an cuai mi hna Unau (4) hna cu Hri thlai in thah an si cang. An ruak cu an mah Police lei nih an tawlrel, an khangh hmasa dih hnu ah an ruhro vutcam a taang mi cu Thlanmual ah vui a si te lai” tiah an langhter hi asi. Thinlung nih a celh hrim lo, unau (4) ning tein, hmunkhat ah hri thlai nak in thah an si cu a fak hringhran ko mu.

Be the first to comment

Leave a Reply

Your email address will not be published.


*