Zualko : Nihin Chun Ah Kan Pa Le Minung 2 Nih Mual A Kan Liam Tak E A Poi Taktak Si

Tulio hi Pathian rianttuan kan pale tampi nih mual a kan liam tak lengmang i lung a tha ruam lo. Tuni zong ah Pathian rianttuantu minung 2 nih mual a kan liamtak. A poi tak tak. Bawipa tu nih chungkhar hnem hna seh!.

1.Tedim Ah Covid In Rev.Cin Khan Pau Nunnak Liam: Muizawl Baptist Church ah Pathian rian a tuan lio mi Rev.Cin Khan Pau (kum 58) cu June 29 zinglei suimilam 12:30AM ah Tedim sii-inn ah a nunnak a liam. Rev. Cin Khan Pau cu STBA ah 2002 – 2006 tiang GS a rak tuan i, 2014 – 2021 tiang TBC ah CSSDD director a rak tuan mi asi.Source: The Chin Post.

2.Zualko: Rev. Za Nei Thang nih Tuzing ah Mual a Kan Liam Tak (RIP)

A poi tak tak. Kan pa pakhat a simi Rev. Za Nei Thang nih tuzing ah mual a kan liamtak. Annih hi Kum 58 a si. Anih hi AGS, Presbyterian Church of Myanmar i a ummi a si. Tuzing June 29, nazi 8:45 ah mual a kan liamtak. A chuahnak khua hi Khawthlir. Rian a tuannak hi -Assembly Office Tahan a si.

Thawngpang dang dang : Ram Mipi Ralring Tein Um Ding in Suu Kyi Nih Biacahnak A Tuah

Daw Aung San Suu Kyi cu Biaceih zung ah chuah pi tthan a si. Tutan Biaceih zung a chuah pah in ram mipi dihlak ralring tein thutdir ding in biacahnak a tuah ti asi. “Sihne (Lawyer) Daw Min Min Soe sin in Ram mipi dihlak sin ah ralrin nak a hun tuah hi a si.

“Tulio Rampi Covid Zawtnak a karh tuk. Cu caah ram mipi ralring tein um ding in biacahnak a tuah. Covid zawtnak a karh tuk timi thawngpang a theih ruang ah Daw Aung San Suu Kyi a lung a tha hrim lo. Ram mipi caah a lung a nuam lo, a thinphang cu caah ralring tein um cio ding in le Covid zawtnak venhim khawh i zuam cio hram hna seh tiah biacahnak a tuah hi asi” tiah Lawyer Daw Min Min Soe nih Myanmar Now ah a chim hi a si.

Daw Aung San Suu Kyi cu nihin June 28, 2021 ah biaceih zung ah an chuah pi tthan hi a si i a mah Lawyer pawl he minute 20 tluk biaruahnak an ngei kho. Cu lio ahcun ram mipi dihlak Covid zawtnak in an him khawhnak ding, ralring tein Covid ral an i ven cio nak ding ah biacahnak a tuah hi asi.

“Ram mipi dihlak tha tein chim hna uh, an kut tha tein i ttawl peng hna seh, Mask tha tein i bunh peng hna seh, Lawyer pawl zong ralring tein thudir ve uh, Covid zawtnak in i veng kho cio hram uh” tiah Daw Aung San Suu Kyi nih cun a chim hi asi.

Be the first to comment

Leave a Reply

Your email address will not be published.


*