Zualko : Nihin Kaya Kahdohnak ah Mipi lei in Tlangval Min Aung nih a Nunnak a Pek

Nihin Kaya Kahdohnak ah Mipi lei in Tlangval Min Aung nih a Nunnak a Pek
————
Kaya le Shan ramri, Kaya ramkulh chung Moebe khua i SAC ralhrang sakhaan lak kahdohnak ah Kaya (Karenni) mipi runvengtu bu (PDF) lei in tlangval Min Aung nih ram le miphun ca ah a nunnak a pek.

Moebe SAC ralhrang sakhaan kahdohnak ah ralhrang 14 hrawng an thi i a dang 4 a nung in an tlaih hna. PDF lei in minung 6 hliam an pu i, cu chung ah cun Min Aung hi a nunnak a liam.
Kaya ramkulh, De-maw-suh peng, Daung-ngankha khua meng 6 zawn zong ah kahdohnak a um i SAC ralhrang 26 an thah hna.

Ralhrang 4 lawng an nung, tiah PKPF nih thawngpang an chuah. De-maw-suh ah SAC ralhrang nih raldohnak Tank le motor pawl in ralhrang thazaang tam tuk nihin zaanlei ah an rak chap caah PDF nih an kirtak chung hna. The Chin Journal

thawngpang dang: Mindat Kahdohnak ah CDF-Mindat in Minung Pakhat a Nunnak a Liam Than.Nihin zaanlei sml. 2:00 in sml. 6:00 tiang Mindat peng, Bokun khua ah CDF-Mindat le SAC ralhrang kahdohnak a chuak i CDF lei in minung pakhat nih a nunnak a pek, tiah Mindat mipi uktu bu nih tu zaan ah thawngpang an chuah.

“SAC ralhrang pawl nih an uniform i hruk loin misawhsawh thilpuan an i hruk i ralzaam bantuk in an ra. Ahlan bang in RPG le mortar bomb pawl an hman,” tiah thawngthanhnak ah an langhter.Nihin kahdohnak ah CDF-Mindat in minung 9 zong hliamhma an tuar. Asinain, an hliamhma a fak lo.SAC ralhrang lei in minung pakhat a thi i, hliamhma a pumi zong an um, tiah an langhter.The Chin Journal

thawngpang dang : Kan miphun Mino hruaitu rinsanmi Salai Van Thawng Thang ih nu Pi Za Nei Kai (Kum-55) in tuizing nazi 3:00am, Tahan Wesley siizung ah in cemsan. Pi Za Nei Kai hi Biblical Presbyterian Pastor Rev. Amos Thang ih nupi a si.

Vuinak canserh hmannak ding hi Chin Pawlpi Branch 2, Tahan BPC biakinn compound ah a si ding. Rev. Amos Thang , Mai Lal Țha Kim, Salai Van Aye Thang, Salai Van Thawng Thang , Salai Van Lawm Thang. A tanta mi pasal le sungkhat, tu le fa pawl Pathian in tuar thiamnak pek hramseh tiah CT Family in thlaza kan cam a si. Cin Pak

Be the first to comment

Leave a Reply

Your email address will not be published.


*