Zualko : Pathian Rianttuan Mi Kan Pa Rev. Pakhat Nih A Kan Liam Tak Than E Apoi Taktak Si

Apoi tuk hringhran e kan vawlei cung hi a hmun hrimhrim ti lo e. Tulio hi Pathian rianttuan kan pale tampi nih mual a kan liam tak lengmang i lung a tha ruam lo. Tuni zong ah Pathian rianttuantu Rev. Cin Khan Pau nih mual a kan liamtak. A poi tak tak. Bawipa tu nih chungkhar hnem hna seh!.

1.Tedim Ah Covid In Rev.Cin Khan Pau Nunnak Liam: Muizawl Baptist Church ah Pathian rian a tuan lio mi Rev.Cin Khan Pau (kum 58) cu June 29 zinglei suimilam 12:30AM ah Tedim sii-inn ah a nunnak a liam. Rev. Cin Khan Pau cu STBA ah 2002 – 2006 tiang GS a rak tuan i, 2014 – 2021 tiang TBC ah CSSDD director a rak tuan mi asi.Source: The Chin Post.

Thawngpang dang relchap : Ralkap Le Kalay Mipi Humhimtu Kahdohnak Ah Ralkap 9 An Thi

Caan reizet sung Kalay mipi humhimtu PDF le ralkap karlak cu doawknak thuhla um loin a dai lawk nan, mani June 26 le nizaan June 27 ahcun kalay mipi humhimtu PDF le ralkap an do aw. An doawknak hmun cu Kalay le Gangaw karlak Nat Chaung le Chaungkhuah lan Pan Mon Chuang Lilawn kiang le Tanbu khua kiangah tiin ni 2 peh in an do aw. Mani June 26 ah Gangaw in Kalay pan ralkap mawtaw 20 lenglo cu Kalay mipi humhimtu PDF in Pan Mon Chaung Lilawng kiangah bomb an rak puah ih ralkap lam thi an um nan, a zat an fel lo. June 27 khalah Gangaw in Kalay pan ralkap mawtaw 3 cu Kalay PDF in Tanbu khua kiangah an rak do ih ralkap lam 9 an thi tiah thu an suah.

People’s Defence Force (Kalay) ih thusuahmi cu hitin a si, “Mani, June 26, sun nazi 1pm hrawngah Gangaw in Kalay lam pan ralkap mawtaw 20 lenglo cu Natchaung le Chaung Khuah lan Pan Mon Chaung Lilawn kiangah bomb kan rak puah ih ralkap lam thi an um rori nan, a zat felfai in kan thei lo.

June 27 sun nazi 1pm hrawngah Gangaw in kalay lam pan ralkap mawtaw 3 ah ralkap 50 hrawng to cu Khwe Kyein khua le Tanbu khua karlak ah PDF kalay in kan rak do ih ralkap tamtuk hriamhma tuar in a malbik ralkap 9 an thi ih kannih lam thi le hriam tuar zohman kan um lo hnuah hlawhtling zetin kan suahsan a si,” tiah an ti.

Be the first to comment

Leave a Reply

Your email address will not be published.


*