Zualko : Puicimhnak In Thihnak Faktuk An Ton Cu Chungkhar Caah Tuar A Har Ko Lai Mu

Kachin ram, Hpakant Suikhor cawhnak vawlei a cim mi ah, minung pathum an nunnak a liam tiah theih asi. Kokek Puicimhnak, hi bantuk leivawr cimhnak in an nunnak a liam cu chungkhar le cingla rualchan caah cun tuar a har tuk hringhran lai mu.

June 30, zaanlei suimilam 5:00PM tluk hrawng ah Suikhor cawhnak Tlang a cimh hi a si. Cu ahcun Yi-Ma-Se timi a tuan tu hna, Sui a kawl tu minung pathum hna cu Leivawr nih a khuh chih hna i an nunnak a rak liam hi asi.

Athi mi hna hi, Lah Htaw Naw (kum 37), Naw Moe Nwe (kum 29) le Na Sa Di (kum 26) hna an si tiah an chim. Chungkhar retheih ruang ah harsa ngai in nilin le ruahsur lak zong ah leivawr an co, sui an kawl, chungkhar zawnruah le hawi tluk duh ve ah tiah thazaang dihlak chuah in an cawlcangh lio ah tu bantuk vanchiat nak an ton cu a poi tuk hringhran.

Kachin ram, Hpakant ah hin thihnak rapthlak a chuak lengmang. Aluancia kum lio zong ah Suikhor cawhnak tlangpi acimh ruang ah minung tamtuk an nunnak a rak liam, cu lawng si loin, a ruak hmuh khawh lomi zong an rak tam ngai ti a rak si. VOM

Be the first to comment

Leave a Reply

Your email address will not be published.


*