တပ်မတော်ချည်မျှင်နှင့် အထည်စက်ရုံ ‌ပေါက်ကွဲမှုတွင် တပ်ထောက်ပို့ကားများ ပျက်ဆီး

တပ်မတော်ချည်မျှင်နှင့် အထည်စက်ရုံ ‌ပေါက်ကွဲမှုတွင် တပ်ထောက်ပို့ကားများ ပျက်ဆီး

Aug 20.2021

ရန်ကုန်တိုင်း ၊ လှိုင်မြို့နယ် ၁၆ ရပ်ကွက်ရှိ အကြမ်းဖက် စစ်ကောင်စီ လက်အောက်ခံ တပ်မတော် ချည်မျှင်နှင့်အထည်စက်ရုံတွင် ယနေ့ (ဩဂုတ် ၂၀ ရက်) နေ့လည် ၁ နာရီခွဲခဝန်းကျင်တွင် ဗုံးသုံးကြိမ်ခန့် ပေါက်ကွဲမှုဖြစ်ခဲ့ရာ တပ်ထောက်ပို့စစ်ကား သုံးစီး သို့မဟုတ် ငါးစီးခန့် အထိအခိုက်ရှိနိုင်ကြောင်း‌ အမည်မဖော်လိုသူ မြို့ပြတော်လှန်ရေးတပ်ဖွဲ့ဝင် တစ်ဦးက ပြောသည်။

“မြေပြင်အတည်ပြုနိုင်တဲ့ သတင်းတွေ အရ စက်ရုံအတွင်းရှိ ကားသုံးစီးကနေ ငါးစီးခန့် အထိအခိုက်ရှိနိုင်တယ်။ လူထိခိုက်မှုတော့ အတည်ပြုမရနိုင်သေးဘူး”ဟု ၎င်းက မဇ္ဈိမကိုပြောသည်။

အဆိုပါအဖွဲ့သည် ရန်ကုန်မြို့ စက်ရုံအတွင်းရှိ စစ်တပ်အား ထောက်ပံ့ပို့ဆောင်နေသော ထောက်ပို့ကားများနှင့် ၀န်ထမ်း အကြိုအပို့ယာဉ်များကို ပစ်မှတ်ထား ဖောက်ခွဲခဲ့ခြင်းဖြစ်သည်။

ထိုသို့‌ ဖောက်ခွဲမှု ပြုလုပ်ရာတွင် မတရားသဖြင့် စေခိုင်းမှုကြောင့် ရုံးဆင်းနေရ‌သော CDM မပြုလုပ်သည့် ၀န်ထမ်းများကို စာနာထောက်ထားသောအားဖြင့် တပ်ထောက်ပို့ကားများကိုသာ ပစ်မှတ်ထားဖောက်ခွဲခဲ့ခြင်းဖြစ်ကြောင်း ၎င်းကဆိုသည်။

ရန်ကုန်တိုင်းအတွင်း ဩဂုတ်လ ပထမအပတ်ကစ၍ နေရာအနှံ့ နေ့စဉ်လိုလို ဆက်တိုက်ပေါက်ကွဲမှုများဖြစ်ပေါ်နေသည်။

ဓာတ်ပုံ-CJ
Mizzima

Be the first to comment

Leave a Reply

Your email address will not be published.


*