AA Nih Hramhram In Ralkap Training An Kai Ter Mi Hna Tampi An Zaam

AA Nih Hramhram In Ralkap Training An Kai Ter Mi Hna Tampi An Zaam

AA Nih Hramhram In Ralkap Training An Kai Ter Mi Hna Tampi An Zaam Chin ramkulh Paletwa peng Pichawng khuakomh in AA nih training pek dingin an auh mi hna cu training an kainak in an zaam ruangah pawngkam khua hna cu AA nih meithal he khuachungah an kawl hna tiah theih a si.

AA nih Pichawng pawngkam ah a ummi khua hna cu kan hnu thla in khua 1 ah minung 3 training kai dingah hramhram in an auh hna i, ralkap training an pek hna.Training chungah raltam in an chiah hna pin ah an zomhtaih/an nek tuk hna ruangah an celh ti lo i mi tampi an zaam tiah theih a si.

A zaam mi chungah a tel mi nupi ngeicia mi hna cu an va le kawl dingin an nupi le cu meithal he tinh bu in an fial hna.Khua pakhat hna cu a hohmanh leng an chuahter hna lo.Khuachung phone vialte zong AA sin ah pek dih a si tiah a zaam ve mi chungkhat pakhat nih KMG ah a chim.

AA nih Paletwa nitlak lei Pichawng hrawng khuakomh (9), khua 40 hrawng cu kum 2019 hrawngin an control cang mi a si. A hramthawk ahcun khuachung i thithruai ning, uknak lei kan in cawnpiak hna lai ti phunin an auh mi hna a si tiah theih a si.

A hramthawk tein kai duh ruangah a kai mi zong an si lo. Atu an kawl cuahmah ko hna. Pehtlaihnak a ngeilo mi hna zong harsatnak an kan pek lai kan phang ngai.Bawmhtu kan herh ngai tiah khuami pakhat nih a chim.

Atu ralkap training a kai mi hi Rakhine ram in Rakhine miphun pawl he minung 300 hrawng an si, August 16 le 17 zaanah a zaam mi hi zei zatdah an si lai ti cu fiang tein ka thei lo, Pakhat le pakhat i hmuh ding zong an si kho lo tiah a zaam mi chungkhat hna sin in theih a si.

Paletwa peng Pichawng hrawngah a um mi khua hna cu lai Chin miphun le Chin khua lawngte an si i, AA nih hramhram in an auh hna ruangah an tih i, a kal mi an si tiah Khumi Media Group nih a tial.
Ref; KMG

Bia țha pehpaar hi rak rel chih ve
🔸Midang sualnak, palhnak le chambaunak hmuh a hei fawi tuk ning le, kanmah palh nak hmuh piak cu kan hei duh lo tuk ning …

🔸Kan tlamtlin lo nak an hmuh le an rel kan duh lo cu, kan tuah khawh tawk thil hmete a si zong ah cohlan piak kan duh caah a si…

🔸Mi cheu cu mi palhnak kan hmuh piak tik hna ah,kan hmuh zah/zat in kan chim i kan rel piak tawn hna …

🔸Cu nih cun thazaang thawnnak si lo in lungdernak tu a chuah ter tawn a caan cun ….

🔸Minung cio nih thazaang kan lak khawh bik nak cu kan tuah khawh mi thil cung te ah khan tha pek in, i lawmhpi tu khi kan thawnnak lei karhlan thatnak ding lam an si theo tawn…

💬 Midang palhnak le chambaunak kan hmuh tuk a si ahcun ,a hmu tu kan mah lila cu chambaunak he kan khah caah a si…

💬 Mi dang palhnak kan hmuh piak hna poah ah, mi chambau ka si ti kha theihkhawh i zuam cio hna usih!

#Mai Anna Par
#The Chin Post

Be the first to comment

Leave a Reply

Your email address will not be published.


*