China Ngakchia Nikhat Ah Suimilam 1:00 Chung Lawng Game Celh Dingin Nawl An Chuah

China Ngakchia Nikhat Ah Suimilam 1:00 Chung Lawng Game Celh Dingin Nawl An Chuah Kum 18 tang ngakchia hna nikhat ah suimilam pakhat lawng online game celh a si ang lai i mah suimilam cu ninga ni,zarhte ni, zarhpi ni, sianginn khar caan lawng ah i celh ding tiah China Video game lei tawlrel tu phu nih an chim.

 

Mah i celh caan cu zaan suimilam 8:00 pm le 9:00 pm kar lawng ah caan pek a si lai tiah an chim.

 

Game a ser tu Company hna zong mah caan leng ah ngakchia nih an i celh lo ding in nan tuah lai tiah an thanh hna.

 

Tu thla chungah ram nih ngeih mi media nih online game hna cu thinlung a rawh ter mi rithai sii bantuk a si tiah a ti.

 

Ngakchia hna i celhnak nawl an ngeih lo lio ah an i celh khawh lo nak ding ah company lei in an kham maw kham lo ti cu cheknak kan tuah peng lai tiah an thanh.

 

A hlan ahcun ngakchia hna cu nikhat ah suimilam 1:30 game an i celh kho i sianginn khar caan hna ahcun suimilam 3 tiang celh nak nawl an pek hna.

 

Online game hna cu caan saupi rau tiang an i celh kho i China ngakchia hna le mino hna cu game nih a lem hna i thiltha a chuahpi lai lo tiah kan thinphan nak a sau cang.

 

Atu bantukin nawl kan chuah hlan ah ram nih ngeih mi chawleh thalhnak kong nifatin cathanh ah ngakchia hna cu online um game nih a lem hna i mah caah cun midang he an i hawikomhnak, an ngamdamnak, an fim cawnnak hna a hrawh dih hna tiah an tial.

 

Hi thawng an than hnu ah China i a nganbik mi game company cheukhat hna i an thil man a tum thluahmah.

 

A luancia July thla ahcun China i game company ngan Tencent i ngakchia hna Zan suimilam 10 :00in zing lei 8:00 chung online game i celh kho lo ding in muihmai athei i nawl petu Software kan chiah tiah thawng an thanh.

 

Ngakchia hna cu upa hna i an konglam hna cu hmang in online nawlchuah mi cu hrial in game an i celh tiah kan theih hnu in kham khawh nak lam kan kawl hi a si.

 

The Chin Post

 

 

Be the first to comment

Leave a Reply

Your email address will not be published.


*